Hewlêr (Rûdaw) – Bihayê grama zêr îro li Tirkiye û Bakurê Kurdistanê gihişt hezar û 846 lîreyan û rekoreke nû tomar kir.
Lîreyê Tirkî li hemberî diravên biyanî her ku diçe bêqîmettir dibe.
Dolar, euro û zêr jî roj bi roj li hemberî lîreyê Tirkî biqîmet dibin.
Bi taybetî rojên dawiyê zêr jî her ku diçe biha dibe.
Grama zêr îro li bazarên Tirkiye û Bakurê Kurdistanê derket hezar û 846 lîreyan.
Heta îro zêr ti deman ewqasî biha nebûbû.
Serê sibehê dema bazar vebûn bihayê grameke zêr hezar û 825 lîre bû lê piştre derket hezar û 846 lîreyan û rekora nû tomar kir.
Derdora nîvro jî grama zêr daket hezar û 834 lîreyan.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse