جیهان
ڤۆلۆدیمیر زیلینسکی، سەرۆکی ئۆکراینا ئێوارەخوانێکی بەربانگی بۆ سەربازە موسڵمانەکانی سوپاکەی رێکخست
prev
next
رووداو دیجیتاڵ
سەرۆکی ئۆکراینا خوانێکی بەربانگی بۆ هاووڵاتییە موسڵمانەکان و سەربازە موسڵمانەکانی وڵاتەکەی رێکخست و خەڵاتی رێزلێنانیشی بەخشییە بەشێک لە سەربازەکان.
ڤۆلۆدێمیر زیلینکسی، سەرۆکی ئۆکراینا ئێوارەخوانێکی بۆ بەشێک لە موسڵمانەکانی نیمچە دوورگەی کریمیا، نوێنەری موسڵمانەکانی ئۆکراینا و سەربازە موسڵمانەکانی سوپای ئۆکراینا رێکخست.
ئەوە دووەم ساڵە سەرۆکی ئۆکراینا لە مانگی رەمەزاندا ئێوارەخوان بۆ موسڵمانانی ئەو وڵاتە رێکدەخات.
زیلینسکی دوای ئێوارەخوانەکە گوتارێکی پێشكێش کرد و گوتی، "ساڵی رابردوو دەستپێشخەرییەکی نوێمان راگەیاند بۆئەوەی بەبۆنەی مانگی رەمەزانی پیرۆزەوە پێکەوە کۆببینەوە. دڵخۆشم کە ئەم ساڵیش پێکەوە کۆبووینەوە، بەتایبەت لەم کاتەدا کە تارمایی شەڕ و هێرشی خراپەکاران هاتووەتە سەرمان."
زیلینسکی سوپاسی سەربازە موسڵمانەکانی ریزی سوپای ئۆکراینای کرد و خەڵاتی رێزلێنانی بە بەشێکیان بەخشی.
لە کۆی زیاتر لە 43 ملیۆن دانیشتووی ئۆکراینا، 1.5 ملیۆنیان موسڵمانن، کە بەشێکی زۆریان موسڵمانە تەتەرەکانی خەڵکی کریمیان و بەشێکیشیان لە ریزی سوپای ئۆکراینا دەجەنگن.
لە 24ی شوباتی 2022دا رووسیا هێرشێکی بەرفراوانی بۆ سەر ناوچەکانی رۆژهەڵات و باشووری ئۆکراینا دەستپێکرد. بەگوێرەی نەتەوە یەکگرتووەکان، تاوەکو ئێستا زیاتر لە 10 هەزار سڤیلی ئۆکراینی کوژراون.
بەگوێرەی وەزارەتی بەرگریی ئەمریکا، ئەو جەنگە بووەتە هۆی کوژرانی زیاتر لە 100 هەزار سەربازی ئۆکراینی و لانیکەم 120 هەزار سەربازی رووسی و چەکداری ڤاگنەری رووسیاش لە ئۆکراینا کوژراون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ