ئینتەرپۆل: 173 چەکداری داعش هەڕەشە لە ئەوروپا دەکەن

رووداو- هەولێر

پۆلیسی نێودەوڵەتی ئینتەرپۆل لیستێکی 173 کەسی راگەیاند، کە بەگوێرەی ئینتەرپۆل ئەم کەسانە پلانیان داناوە بۆ ئەنجامدانی هێرش لە ئەوروپا.

بەگوێرەی میدیاکانی بەریتانیا، ئینتەرپۆل زانیارییەکانی لە دەزگای هەواڵگری ئەمریکا لە عێراق و سووریا وەرگرتووە بۆ دەستنیشانکردنی ئەم 173 کەسە، کە بەگوێرەی زانیارییەکان مەشق و راهێنانیان پێکراوە بۆ ئەنجامدانی کردەوی تیرۆریستی لە ئەوروپا لەتۆڵەی شکستەکانی داعش لە رۆژهەڵاتی ناوەڕاست.

دەزگا هەواڵگرییەکانی وڵاتانی ئەوروپا مەترسی خۆیان نیشانداوە، کە دوای شکستەکانی داعش لە رۆژهەڵاتی ناوەڕاست و گەڕانەوەی داعشە ئەوروپییەکان، کردەوەی تیرۆریستی لە ئەوروپا ئەنجام بدەن.

ئینتەرپۆل هۆشداریی داوەتە وڵاتانی ئەوروپا لەو کەسانەی ناویان لە لیستەکەدا هاتووە، کە توانای گەشتیان هەیە لەنێوان وڵاتاندا و مەشق و راهێنانیشیان پێکراوە بۆ دروستکردنی تەقەمەنی و ئەنجامدانی کردەوەی تیرۆریستی.

پێداچوونەوە؛ عومەر شایان

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger