رووداو - ئاژانسەکان
ژمارەی ئەو کەسانەی بەهۆی ئەو زریان و لافاوەی ماوەی سێ هەفتەیە پاكستانی گرتووەتەوە و گیانیان لەدەستداوە 100 کەسی تێپەڕاند، بەرپرسانی کەشناسی ئەو وڵاتەش بەهۆی چڕی بارانەوە پێشبینی ئەوە دەکەن ژمارەیەکی زۆری دیکی هاووڵاتیان ببنە قوربانی.
دەستەی نیشتمانی بۆ کارەساتە سرووشتییەکان رایدەگەیێنێت، بەهۆی ئەو زریان و لافاوەی شاری چیتڕالی لە باکووری ئیسلام ئابادی پاکستان گرتووەتەوە، ژمارەی ئەوانەی گیانیان لەدەستداوە گەیشتە 109 کەس و نزیکەی 700 هەزار كەسیش زەرەرمەندبوونە.
دەستەی نیشتمانی بۆ کارەساتە سروشتییەکان لە راگەیێندراوێکدا ئاماژەی بەوە كردووە " لە دوو رۆژی رابردوودا تیمەکانی فریاگوزاری نزیکەی 350 هەزار کەسیان لە کەنار رووباری ئەندووس رزگارکردوون".
لە نێوەڕاستی مانگی تەمموز تا کۆتایی مانگی ئابی ساڵی رابردوو، بەهۆی زریان و لافاوەوە نزیکەی 400 کەس لە پاکستان گیانیان لەدەستداوە و بەهەزاران دۆنم زەویش رووبەڕووی وێرانی بووەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ