رووداو دیجیتاڵ
یانەی ڤیاریال یاری لووتکەی گەڕی شەشەمی لالیگای لە یانەی ڤالێنسیا بردەوە.
لە یاریگای لا سیرامیکا، ڤیاریال پێشوازی لە ڤالێنسیا کرد و یارییەکەشی بە ئەنجامی دوو گۆڵ بەرامبەر بە گۆڵێک لێبردەوە.
شەش خولەک بەسەر یارییەکەدا تێپەڕی و پاکۆ ئالکاسێر بە لێدانی سزا ڤیاریالی بە گۆڵێک پێشخست، دواتر لە خولەکی 37دا گۆنزالۆ گێدێش ئەنجامەکەی بۆ شەمشەمەکوێرەکان راستکردەوە.
لە گێمی دووەمدا و لە خولەکی 69دا دانی پاریخۆ یاریزانی پێشووی ڤالێنسیا گۆڵێکی لە تۆڕی یانە کۆنەکەی تۆمارکرد و سێ خاڵی گرنگی بەخشییە ڤیاریال.
لە دوایین ساتەکانی یارییەکەشدا تاکیفوسا کوبوی یاریزانی ڤیاریال بە کارتی سوور کرایە دەرەوە.
ئێستا ڤیاریال بە کۆکردنەوەی 11 خاڵ لە پلەی دووەمی لالیگایە و ڤالێنسیاش حەوت خاڵی هەیە و لە پلەی 13یە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ