بەهۆی جیبرالتارەوە، مۆراتا و رۆدری سزادران

 

 

دوای سکاڵایەکی فیدراسیۆنی تۆپی پێی جیبرالتار، ئەو دوو یاریزانە لەبەر وتنەوەی دروشمی دژ بەو وڵاتە لە ئاهەنگەکانی هەڵبژاردەی ئیسپانیا، لەلایەن یۆفاوە سزادران و هەردوو یاریزانەکە بۆ یارییەکی ئیسپانیا لە پاڵەوانێتییەکی سەر بە یەکێتی تۆپی پێ ئەوروپا راگیران.

 

لە ئاهەنگەکانی هەڵبژاردەی ئیسپانیا، لە گرتەیەکی ڤیدیۆییدا دەرکەوت کە ئەو دوو یاریزانە دروشمی "جیبرالتار ئیسپانییە" دەڵێنەوە و ئەو وڵاتە بە سووکایەتیکردن بە سەروەری وڵاتەکەیان لە قەڵەمیاندا.

 

جیبرالتار،دەکەوێتە خوارووی دوورگەی ئیبیری و تاکە وڵاتە کە سنووری وشکانی لەگەڵ ئیسپانیادا هەیە، بەڵام سەرەڕای ئەوە، جیبرالتار بە زەوییەکی سەر بە بەریتانیا دادەنرێت. 

 

ئەگەرچی جیبرالتار رووبەرەکەی تەنیا 6،8 کیلۆمەتری چوارگۆشەیە، بەڵام ساڵانێکە بەریتانیا و ئیسپانیا لە ململانێی سیاسیدان لەسەر ئەو وڵاتە کە گرنگییەکی زۆری هەیە لەڕووی بازرگانییەوە.

 

بڕیاری راگرتنی مۆراتا و رۆدری، راستەوخۆ دەڕواتە بواری جێبەجێکردنەوە و ئەو دوو یاریزانە لە یاریی هەڵبژاردەکەیان بەرامبەر سێربیا کە لە مانگی داهاتوودا ئەنجامدەدرێت، ئامادە نابن.