شەربەتی برنج

لە بەرنامەی شیڤ و شیرینی ئەمڕۆ دا، ئەڤین دەروێش  شتێکی زۆر جیاواز و خۆش بۆ دروستدەکات، ئەویش شەربەتی برنج و گرانۆلایە.

پێکهاتەکان: برنج، بادەم، دارچینی، شیر، شۆفان، کاجو، گوێز، قەیسی، هەڵووژە، زەیت، هەنگوین

ئامادەکردن
1.  شەربەتی برنج
    *   برنجەکە دەبرژێنین تاوەکو رەنگێکی ھەنگوینی وەردەگرێت.
    *   ئاو دەکەین بەسەر برنجەکەدا و بۆ ماوەی پێنج خولەک وازی لێدەھێنین.
    *   تێکەڵەکە دەپاڵێوین.
    *   کەمێک شیری تێدەکەین.
    *   دەتوانین بۆ رازاندنەوە کەمێک کرێمی لەسەر دابنێین و دارچینی بپرژێنین بەسەردا.

2.  گرانۆلا
    *   شۆفان، کاجو و گوێز تێکەڵدەکەین.
    *   زەیت و ھەنگوین تێکەڵدەکەین و دەیکەین بەسەر پێکهاتەکاندا.
    *   تێکەڵەکە دەخەینە ناو فڕنەوە و ھەر پێنج خولەک جارێک دەری دەھێنین و تێکیدەدەین بۆ ئەوەی نەسووتێت، تاوەکو رەنگێکی قاوەیی جوان وەردەگرێت.
    *   دوای ئەوەی گرانۆلاکە دروستبوو، قەیسی و ھەڵووژەی تێدەکەین.

پێشکێشکردن
*   شەربەتی برنجەکە لە پەرداخێکدا پێشکێشدەکەین و بۆ رازاندنەوە دەتوانین کەمێک کرێم و دارچینی بەکاربھێنین.
*   دەتوانین گرانۆلاکە لەگەڵ ماست یان شیردا تێکەڵبکەین و پێشکێشی بکەین.