رووداو- هەولێر
یازدەهەمین سەرۆککۆماری تورکیا سەرەخۆشیی ئاراستەی خانەوادەی تاڵەبانی کرد و لە توویتێکدا باسی لە دیدارێکی لەگەڵ مام جەلال کرد لە بەغدا.
عەبدوڵڵا گول، سەرۆککۆماری پێشووی تورکیا بەبۆنەی کۆچی دوایی جەلال تاڵەبانی، لەڕێگەی پەیوەندیی تەلەفۆنییەوە سەرەخۆشیی لە هێرۆ ئیبراهیم ئەحمەد و قوباد تاڵەبانی کرد و هیوای لێخۆشبوونی بۆ خواست.
گول هەروەها لە تۆڕی کۆمەڵایەتیی تویتەردا پرسە و سەرەخۆشیی بۆ کۆچی دوایی تاڵەبانی بڵاوکردووەتەوە.
Irak eski Cumhurbaşkanı Celal Talabani’ye Allah’tan rahmet, tüm Irak halkına başsağlığı diliyorum. pic.twitter.com/kR5XSx6zdN
— Abdullah Gül (@cbabdullahgul) October 3, 2017
سەرۆککۆماری پێشووی تورکیا لە توویتەکەیدا نووسیویەتی:"کاتێک سەردانی بەغدام کرد، هەردووکمان کۆک بووین لەسەر ئەوەی تورکمان و کورد و عەرەبی کەرکووک بەشێوەیەکی یەکسان فەرمانڕەواییان بکرێت. ئەو لەم بیرکردنەوەیەیدا راست و دروست بوو. هیوادارم بیرکردنەوەیەکی لەمجۆرە دووبارە بژیێتەوە''.
عەبدوڵڵا گول لەگەڵ ئەم پەیڤانەدا وێنەیەکی پۆست کردووە کە لەمیانی سەردانەکەی بۆ بەغدا لەگەڵ مام جەلال گرتوویەتی.
داڕشتنەوە؛ عومەر شایان
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ