رووداو - ئیستەنبوڵ
ئێشکگریی ویژدان و دادپەروەری لە ئامەدەوە گواسترایەوە بۆ ئیستەنبوڵ و لەلایەن پەرلەمانتار و لایەنگرانی هەدەپەوە درێژەی پێدرا.
ئێشکگریی ''ویژدان و دادپەروەری'' کە رۆژی 25ی تەمموزی 2017 لەلایەن پارتی دیموکراتی گەلان هەدەپە دەستیپێکرابوو، گواسترایەوە شاری ئیستەنبوڵ و ئەمڕۆ 1ی ئاب لەو شارە درێژەی پێدرا.
لە دەستپێکدا کۆبوونەوەی فراکسیۆنی پارتەکە بەڕێوەچوو و پاشان چالاکییەکە بەردەوامیی پێدرا. سەرپیل کەمالبای، هاوسەرۆکی هەدەپە لە گوتارێکیدا ئاماژەی بەوەکرد هەوڵدەدرێت پەرلەمانتاران دەمبەست بکرێن و ئازادی بەرتەسکبکرێنەوە. گوتیشی دیموکراسی و ماف لە تورکیادا ئیفلیج کراوە.
کەمالبای رایگەیاند دەسەڵات فشار و ئابڵۆقە دەخاتە سەر چالاکی و کۆبوونەوەکانی هەدەپە، دواتر دەڵێ خەڵک بەشداریی لە چالاکییەکانی ئەو پارتە ناکات.
پەرلەمانتارانی هەدەپە لە پارکی یۆغورتچو لە کادیکۆی ئیستەنبوڵ درێژە بە ئێشکگریی ویژدان و دادپەروەری دەدەن. پارکەکە لەلایەن پۆلیسەوە گەمارۆدراوە و رێوشوێنێکی تووند گیراوەتەبەر.
پێداچوونەوە؛ عومەر شایان
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ