رووداو دیجیتاڵ
بەپێی زانیاریی میدیاکانی ئێران و رووسیا، ئەمڕۆ وەزیری دەرەوەی سووریا سەردانی ئێران دەکات و رۆژی چوارشەممە لەگەڵ وەزیری دەرەوەی ئێران کۆدەبێتەوە.
میدیاکانی ئێران و رووسیا دەڵێن، ئێوارەی ئەمڕۆ سێشەممە 19-07-2022 فەیسەڵ ئەلمیقداد، وەزیری دەرەوەی سووریا دەگاتە تاران و رۆژی چوارشەممە لەگەڵ ئەمیر عەبدوڵڵاهیان، وەزیری دەرەوەی ئێران کۆدەبێتەوە.
سەردانەکەی وەزیری دەرەوەی سووریا هاوکاتە لەگەڵ کۆبوونەوەی لووتکەی نێوان سەرۆککۆمارەکانی رووسیا، تورکیا و ئێران لە تاران کە بۆ ئاگاداربوونەوەی سووریایە لە ئەنجامی گفتوگۆکانی ئەو دانیشتنانە. کۆبوونەوەی لووتکەی ئەو سێ وڵاتە، حەوتەمین کۆبوونەوەی لووتکەی ناسراو بە ئاستانەیە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ