بەهۆی بۆردوومانی داعشەوە بەشێکی پاڵاوگەی بێجی گڕیگرت

رووداو- بەغدا

چەکدارانی رێکخراوی دەوڵەتی ئیسلامی (ناسراو بە داعش)، بەیانی ئەمڕۆ (یەکشەممە 3ی ئایار) پاڵاوگەی بێجییان بۆردوومانکرد و بەوهۆیەشەوە چەند بەشێکی پاڵاوگەکە ئاگریان گرت و زیانی زۆریش بەر پاڵاوگەکە کەوت.

سەرچاوەیەکی سەربازیی عێراق ئاشکرایکرد، کە ئەمڕۆ جارێکی دیکە پاڵاوگەی بێجی لەلایەن چەکدارانی داعشەوە بۆردوومانکراوە و بەهۆی بۆردوومانەکەشەوە پاڵاوگەکە گڕی گرتووە و زیانی زۆری پێگەیشتووە.

ماوەی نزیکەی مانگێکە داعش لە هەوڵی کۆنتڕۆڵکردنی پاڵاوگەکەیە و چەند جارێکیش هێرشەکانی گەیشتوونەتە نێو پاڵاوگەکە، بەڵام دواتر هێزە عێراقییەکان دژە هێرشیان کردوونەتەسەر و لە پاڵاوگەکە وەدەریان ناون.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger