سەرۆکوەزیرانی رووسیا سەردانی ئێران دەکات

30-09-2024
سینا سۆما
A+ A-
رووداو دیجیتاڵ

میخائیل میشوستین، سەرۆکوەزیرانی رووسیا ئەمڕۆ سەردانی ئێران دەکات و لەگەڵ مەسعود پزیشکیان، سەرۆککۆماری ئەو وڵاتە کۆدەبێتەوە.
 
بەگوێرەی راگەیێندراوی حکومەتی رووسیا، میخائیل میشوستین، سەرۆکوەزیرانی ئەو وڵاتە ئەمڕۆ (دووشەممە، 30ـی ئەیلوولی 2024) سەردانی ئێران دەکات.
 
لە راگەیێندراوەکەدا هاتووە، میخائیل میشوستین لەگەڵ مەسعود پزیشکیان، سەرۆککۆماری ئێران و محەممەدڕەزا عارف، جێگری سەرۆککۆمار کۆدەبێتەوە.
 
هەر لە راگەیێندراوەکەدا هاتووە، لە کۆبوونەوەکاندا گرنگی بە هاوئاهەنگی و پەیوەندییەکان لە بواری گواستنەوە، وزە، پیشەسازی، کشتوکاڵ و چەند بوارێکی دیکە دەدرێت.
 
سەردانی سەرۆکوەزیرانی رووسیا بۆ ئێران تەنیا یەک رۆژ دەخایەنێت و بڕیارە رۆژی سێشەممە، 1ـی تشرینی یەکەمی 2024 بەمەبەستی بەشداریکردن لە کۆبوونەوەی کۆربەندی ئابووریی ئاسیا سەردانی یەریڤانی پایتەختی ئەرمینیا بکات.
 
سەردانی سەرۆکوەزیرانی رووسیا بۆ ئێران لە کاتێکدایە، گرژی و ئاڵۆزییەکانی ناوچەکە دوای چڕبوونەوەی هێرشەکانی ئیسرائیل بۆ سەر لوبنان زیاتر بوون. 

 

 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

ئەنتۆنی بلینکن، وەزیری دەرەوەی ئەمریکا لەکاتی وەڵامدانەوەی ئامادەبووان لە ئەنجوومەنی پەیوەندییەکانی دەرەوە لە نیویۆرک، وێنە: CHARLY TRIBALLEAU / AFP

وەزیری دەرەوەی ئەمریکا: پێویستە هێزەکانمان لە سووریا بمێننەوە

وەزیری دەرەوەی ئەمریکا باسی روانگەی وڵاتەکەی بۆ دەسەڵاتدارانی نوێی سووریا کرد و رایگەیاند، ئەگەر حکومەتێک پێکنەیەت، کە بەشداریی بە هەمووان بکات، لەلایەن کۆمەڵگەی نێودەوڵەتییەوە پەراوێز دەخرێت، سەبارەت بە ئێرانیش رایگەیاند، ئەم ساڵ، ساڵێکی خراپ بوو بۆ دەسەڵاتدارانی تاران.