رووداو دیجیتاڵ
بە پێی گومرگی ئێران، لە 8 مانگی رابردوودا بایی یەک ملیار و 620 ملیۆن دۆلار هاوردەی ئەو وڵاتە کراون.
گومرگی ئێران ئاماری نوێی هاوردەکردنی مۆبایلی بڵاوی کردەوە و رایگەیاند، لە ماوەی هەشت مانگدا (لە 21-03-2024 تاوەکو 21-11-2024)، حەوت ملیۆن و 329 هەزار مۆبایل هاوردەی ئەو وڵاتە کراون.
هەر بەپێی ئامارەکانی گومرگی ئێران، لەو ژمارەیە حەوت ملیۆن و 100 هەزار ئامێری مۆبایل، کە بەهاکەیان یەک ملیار و 500 ملیۆن دۆلار بەشێوەی بازرگانی هاوردە کراون، بەشەکەی دیکەش کە دەکاتە 299 هەزار مۆبایل و بە بەهای 120 ملیۆن دۆلار، لە رێگەی گەشتیارییەوە بووە.
گومرگی ئێران رایگەیاندووە، بەراورد بە هەشت مانگی پار هاوردەکردنی مۆبایل لە رووی ژمارەوە 22٪ و لە رووی نرخەوە 15٪ کەمیکردووە.
بەپێی ئامارەکانی گومرگی ئێران، ساڵی 2023 زیاتر لە 14.6 ملیۆن مۆبایل بە بەهای زیاتر لە 3.2 ملیار دۆلار هاوردەی ئەو وڵاتە کراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ