....
رووداو - هەولێر
سعودیە و بەحرێن ناوی سوپای پاسدارانی ئێران و قاسم سولەیمانی، فەرماندەی هێزی قودس و عەبدولڕەزا شەهلایی و حامید عەبدوڵڵاهیان خستە نێو لیستی رێکخراوە تیرۆریستییەکانەوە.
حامید عەبدوڵڵاهی، لە بەرپرسانی باڵای سوپای پاسداران، عەبدولڕەزا شەهلایی و قاسم سولەیمانیش لە ساڵی 2011 بە پلانداڕێژەری تیرۆری باڵیۆزی سعودیە لە ئەمریکا تۆمەتبارکران و لەو کاتەوە ئەمریکا، کەنەدا و یەکێتی ئەوروپاش ناوی ئەو کەسانەی خستووەتە لیستی تیرۆر.
وەزارەتی خەزێنەی ئەمریکاش رایگەیاند، نۆ کەس کە دوویان ئێرانین و سەر بە سوپای پاسدارانن بەهۆی پاڵپشتی لە گرووپی تاڵیبان دەخرێنە لیستی گەمارۆکانەوە.
بەردەوام بەرپرسانی ئێران هاوکاریکردنی گرووپی تاڵیبانیان رەتکردووەتەوە و رایانگەیاندووە، تاڕادەیەک لەگەڵ ئەو گرووپە لە پەیوەندیدان ئەویش بۆ ئاگاداربوون لە دۆخی ئەفغانستان.
لە کاردانەوەی بەرپرسانی ئێران بەرامبەر بەو بڕیارانەی سعودیە و بەحرێن، ئیسماعیل کەوسەری، جێگری فەرماندەی ساروڵڵا رایگەیاند، هەوڵەکانی سعودیە و بەحرێن بۆ دەربازبوون لەو گرفتانەیە کە بەهۆی کوشتنی جەمال خاشقچی، رۆژنامەڤان و شەڕی یەمەنەوە تووشیان بووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ