جۆن کێربی بۆ رووداو: هیچ بەڵگەیەکمان نییە ئێران لە پشت هێرشەکەی حەماسەوە بووبێت

 

 

رۆژی پێنجشەممە، 12ـی تشرینی یەکەمی 2023، جۆن کێربی، رێکخەری پەیوەندییە ستراتیژییەکانی ئەنجوومەنی ئاسایشی ئەمریکا لە هەڤپەیپینێکدا بە دیار کوردە، بەرپرسی نووسینگەی رووداوی لە واشنتن راگەیاند، "ئێمە دەزانین تاوەکو ئەمڕۆ، 17 ئەمریکی بێسەروشوێنن، نازانین ئێستا لە کوێن، پێمان وایە کە ژمارەیەکی کەمیان ئێستا وەک بارمتە گیرابن، بەدیاریکراوی نازانین ژمارەکەیان چەندە."

 

کێربی لەبارەی ئەگەری دەستوەردانی ئێران لە هێرشەکەی سەر ئیسرائیل، دەڵێت، گومان لەوەدانییە کە ئێران جۆرێک لە پەیوەندی لێرەدا هەیە.. بەڵام ئێمە تائێستا هیچ بەڵگەیەکی دیاریکراومان نییە کە ئەوان لە پلان و جێبەجێکردنی ئەو هێرشەدا بەشداربووبن."

 

رێکخەری پەیوەندییە ستراتیژییەکانی ئەنجوومەنی ئاسایشی ئەمریکا دەڵێت، هێزەکانیان لە عێراق و سووریا مافی بەرگریکردن لەخۆیان هەیە و "فەرمانیشیان بۆ ئەوە پێییە، هاوکات تواناشیان هەیە بۆ پارێزگاریکردن لە خۆیان بەرامبەر بە هەر هێرشێک."

 

 

 

جۆن کێربی: ئێمە دەزانین تاوەکو ئەمڕۆ، 17 ئەمریکی بێسەروشوێنن، نازانین ئێستا لە کوێن، پێمان وایە کە ژمارەیەکی کەمیان ئێستا وەک بارمتە گیرابن، بەدیاریکراوی نازانین ژمارەکەیان چەندە. بۆیەش باشترین هەوڵی خۆمان دەدەین لەگەڵ ئیسرائیلییەکان و بەدڵنیاشیەوە لەگەڵ کەسوکاریان کاربکەین تاوەکو زۆرترین زانیاریمان هەبێت و بتوانین بزانین سۆراغیان چییە.

 

 

جۆن کێربی: ئێمە پەیامێکی تووندمان بۆ حەماس هەیە، بە ئاشکراش ئەو پەیامەمان گەیاندووە و گوتوومانە پێویستە هەموو بارمتەکان هەر ئێستا ئازاد بکەن. من هیچ شتێکم لانییە سەبارەت بە هەبوونی گفتوگۆ یان دانوستان لەگەڵ حەماس کە بۆتۆی باسبکەم، ئێمە هیچ جۆرە پەیوەندییەکمان لەگەڵ گرووپێکی تیرۆرستی بینیدا نییە، کە یەکێکن لەو گرووپانە تووندترین سزای ئەمریکایان بەسەردا سەپێندراوە، بۆیەش دەرگای گفتوگۆ بەرووی حەماسدا ناکەینەوە، جگە لەوەی بە ئاشکرا پەیامیان بۆبنێرین، بەڵام دەزانین ئێستا هەندێک وڵات هەن وەک قەتەر ئەو پەیوەندییەیان هەیە، بۆیەش بێگومان لەگەڵ هاوبەشە قەتەرییەکانمان قسە دەکەین.

 

 

جۆن کێربی: گومان لەوەدانییە کە ئێران جۆرێک لە پەیوەندی لێرەدا هەیە، ئەمەش بەهۆی پشتوانییە درێژخایەنەکانیان بۆ حەماس بۆ چەندین ساڵ، وەک مەشق پێکردنیان و هاوکاریکردنی داراییان. حەماس نەیدەتوانی هەبێت، ئەگەر بەهۆی ئەو پشتیوانیانە نەبێت کە لەلایەن ئێرانەوە لێیی دەکرێت، بەڵام ئێمە تائێستا هیچ بەڵگەیەکی دیاریکراومان نییە کە ئەوان لە پلان و جێبەجێکردنی ئەو هێرشەدا بەشداربووبن.

 

 

جۆن کێربی: نەخێر نیمانە.

 

 

جۆن کێربی: دەمەوێت بڵێم، ئێمە بێگومان ئەو جۆرە گوتارانەمان لەلایەن هەندێک لایەنەوە بۆ پشتیوانیکردن لە حەماس بینیوە، ئەمەش قێزەون و شایەنی سەرزەنشتن، چونکە ئەمانە رێکخراوێکی تیرۆرستین کە خەڵک لە نێو جێگاکانیاندا سەردەبڕن، منداڵی ساوا، بەتەمەنەکان، ژنان و منداڵان و پیاوانی بێتاوان دەکوژن. ئەمەش بێگومان شایەنی ئیدانەکردنە و کارێکی قێزەونە. بۆ هەموو ئەوانەش کە بەئاشکرا دەستخۆشی لەمە دەکەن، ئەمە نیشانی دەدات کە ئەوان چی کاری لە پێشینەیانە و پشتیوانی لە چی دەکەن. دوێنێش سەرۆک بە ئاشکرا گوتی کە هەڵوێستی ئێمە چییە، ئمە بە روونی پشتیوانی لە ئیسرائیل دەکەین.

 

 

جۆن کێربی: ئەم وڵاتانە پێوسیتە بەناوی خۆیانەوە قسەبکەن، ئێمەش بەناوی خۆمانەوە قسە دەکەین، کە پشتیوانی لە چی دەکەین و لە دژی چی دەوەستینەوە، ئێمە متمانەمان بەو سیاسەتە هەیە کە گرتوومانەتە بەر.

 

 

جۆن کێربی:  ئێمە هەر لە سەرەتاوە چالاکییەکانی ئەو گرووپانەی پشتیوانلێکراون لەلایەن ئێران بە جدی وەرگرتووە، نامەوێت باس لە رێکارەکانی خۆپارێزی هێزەکانمان بکەم، ئەمە شتێکە ئێمە بە ئاشکرا وردەکارییەکەی ناڵێین، بەڵام ئێمە هەمیشە سەیری هەموو ئەو رێگایانە دەکەین بۆ گۆڕانکاری لە هێزەکانمان و پاراستنی سەلامەتی و ئاسایشی خەڵکەکەمان لە بنکەکان، ئەمەش دەکەین. دەمەوێت ئەوەش بڵێم، ئێمە پارێزگاری لە خۆمان دەکەین، من پێشبینی هیچ شتێکی دیاریکراو لەوبارەوە ناکەم، بەڵام هێزەکانمان لە عێراق و سووریا مافی بەرگریکردن لەخۆیان هەیە و فەرمانیشیان بۆ ئەوە پێییە، هاوکات تواناشیان هەیە بۆ پارێزگاریکردن لە خۆیان بەرامبەر بە هەر هێرشێک.

 

 

جۆن کێربی: هیچ ئاماژەیەکمان نەبینیوە کە هیچ گرووپ و رێکخراو دەوڵەتێک هەوڵیاندابێت ئەم شەڕە فراوان بکەن، ئەمەش باشە، رێک ئەوەیە کە ئێمە دەمانەوێت.

 

 

جۆن کێربی: ئێستا هیچ هەوڵێک نییە بە ئاراستەی هەبوونی ئاگربەست کاربکات.

 

 

جۆن کێربی: ئێستا هیچ هەوڵێک نییە بە ئاراستەی ئاگربەست بدرێت، ئێستا ئێمە سەرنجمان لەسەر پشتیوانیکردنە لە ئیسرائیل تاوەکو بەرگری لەخۆیان بکەن.

 

 

جۆن کێربی: بێگومان