سەڵاحەدین بەهائەدین بۆ ئیسماعیل هەنییە: شەهیدیت پیرۆز بێت

 

 

لە پەیامێکدا سەڵاحەدین بەهائەدین، ئەمینداری گشتیی یەکگرتووی ئیسلامیی کوردستان لەبارەی کوژرانی ئیسماعیل هەنییە نووسیویەتی، "پیرۆزت بێت شەهیدی ئەی رەمزی خۆڕاگری و جیهاد، ئەی ئەبو العبد، گەیشتی بەوەی ئاواتت بوو هەمیشە، پیرۆز بێت لە ئومەتی ئیسلام بۆ ئەو پاڵەوانانەی، پیرۆز بێت لە گەلی فەلەستین، گەلی بەخشین و جیهاد و شەهیدبوون."

 

لە بەشێکی دیکەی پەیامەکەیدا، ئەمینداری گشتیی یەکگرتوو دەڵێت، "سەرشۆڕی و شەرمەزاریش بۆ ئەهلی شەڕ و منداڵکوژەکان و خائینان لە هەرکوێیەکن."

 

لە کۆتایی پەیامەکەیدا سەڵاحەدین بەهائەدین ئایەتێکی قورئانی پیرۆزی نووسیوە کە دەڵێت، "ولا تقولوا لمن یقتل في سبیل اللە اموات بل احیاء عند ربهم."

 

نزیکەی کاژێر 02:00ی بەرەبەیانی چوارشەممە 31-07-2024 ئیسماعیل هەنییە لە تارانی پایتەختی ئێران کوژرا.

 

هەنییە بۆ بەشداریکردن لە رێوڕەسمی سوێندخواردن و دەستبەکاربوونی مەسعود پزیشکیان، سەرۆککۆماری نوێی ئێران لە تاران بوو.

 

 

- سیاسەتڤانێکی فەلەستینی بوو

- ساڵی 1963 لە کامپی شاتیئـ لە باکووری کەرتی غەززە لەدایکبوو

- ساڵی 1987 بەکالۆریۆسی لە ئەدەبی عەرەبی لە زانکۆی ئیسلامیی غەززە وەرگرت 

- ساڵی 2006 بووە سەرۆکوەزیرانی فەلەستین، دوای ئەوەی حەماس لە هەڵبژاردنە پەرلەمانییەکەی فەلەستین 44.5٪ی دەنگەکانی بردەوە و بزووتنەوەی فەتح 41.4٪ی دەنگەکانی بەدەستهێنا 

- 14ی حوزەیرانی 2007 مەحموود عەباس، سەرۆکی دەسەڵاتی فەلەستینی ئیسماعیل هەنییەی لە پۆستەکەی دوورخستەوە

- ئیسماعیل هەنییە لە 2006 تاوەکو شوباتی 2017 سەرۆکی حەماس بوو لە کەرتی غەززە

- 6-5-2017 بە سەرۆکی مەکتەبی سیاسیی حەماس هەڵبژێردرا و ئیدی لە قەتەر نیشتەجێبوو

- 31-7-2024 لە تاران کوژرا 

- باوکی 10 منداڵە کە بەشێکیان بە بۆردوومانی سوپای ئیسرائیل لە غەززە کوژراون