رووداو دیجیتاڵ
ئۆتۆمبێلێک لە سنووری بەردەڕەش لە پارێزگای دهۆک وەرگەڕا. هاتووچۆی بەردەڕەش دەڵێت "دوو ئەندامی خێزانێک بەهۆیەوە گیانیان لەدەستداوە."
رووداوەکە کاژێر 07:00ـی ئێوارەی دوێنێ (شەممە) روویداوە، بەڵام دوای کاژێر 11:00ـی شەو پێیان زانیون و توانراوە سەرنشینێکی ئۆتۆمبێلەکە رزگار بکرێت.
سەرچاوەیەک لە هاتووچۆی بەردەڕەش بە رووداوی گوت "لە رووداوەکەدا کچ و دایکێک گیانیان لەدەستدا."
ئەوانەی لەنێو ئۆتۆمبێلەکە دا بوون، دایک و کوڕ و کچێکی بوون. دایکەکە ناوی عاسیمە رەشید، بوو و تەمەنی 45 ساڵ بوو، دونیا ئیدریسی کچیشی تەمەنی 15 ساڵ بوو؛ هەردووکیان گیانیان لەدەستدا.
بەگوتەی ئەو سەرچاوەیەی پۆلیسی هاتووچۆی بەردەڕەش بۆ رووداو، "کوڕەکە ناوی محەممەد ئیدریسە و تەمەنی 20 ساڵە، بریندارە و ئێستا لە نەخۆشخانە چارەسەر وەردەگرێت."
تاوەکو ئەمڕۆ ئاماری رووداوەکانی هاتووچۆی ساڵی رابردوو لە هەرێمی کوردستان بڵاونەکراوەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ