هەڵەیەک روویدا! دووبارە هەوڵبدە
سەردانی وەزیری بازرگانیی تورکیا بۆ عێراق
رووداو دیجیتاڵ
لە ماوەی کەمتر لە 10 رۆژدا، سێیەمین وەزیری تورکیا سەردانی عێراقی کرد. عومەر بۆڵات، وەزیری بازرگانیی تورکیا لەگەڵ بەرپرسانی باڵای عێراق کۆبووەوە، لەنێویاندا سەرۆککۆمار، سەرۆکوەزیران، هاوتا عێراقییەکەی و ژمارەیەک وەزیری دیکە.
ئەنوەر عەبدوڵڵا، سەرۆکی موسیاد ئاماژە بەوە دەکات، لە عێراق بە زەحمەت کاری ڤیزە بۆ بازرگانانی تورک جێبەجێ دەکرێت، دەبێت لە رێگەی بانگهێشتنامە و گرووپات بێت، وەزیری بازرگانی کە لەگەڵ سەرۆکوەزیرانی عێراق کۆبووەوە، گوتی، "دەبێت ئاسانکارییەکان وەک هەولێر بن و زوو کارەکان بکرێن."
وەزارەتی بازرگانیی هەرێمی کوردستان و تورکیا، تائێستا چەندین جار کۆبوونەتەوە. بڕیاریشە کۆتایی مانگی داهاتوو وەزیری بازرگانیی تورکیا بێتە هەولێر. فراوانترکردنی ئاڵوگۆڕە بازرگانییەکان، هەرزانی و کارئاسانی بۆ وەرگرتنی ڤیزە، فراوانترکردنی سنوورە فەرمییەکانی نێوانیان گفتوگۆی لەبارەوە بکرێت.
کەمال موسلیم، وەزیری بازرگانیی هەرێمی کوردستان دەڵێ، هاوئاهەنگیی زیاتر باس دەکەین کە چۆن بتوانین ئاڵوگۆڕ و پەیوەندییەکانمان هێشتا بەرفراوان بکەین و، دەروازەی دیکەی سنووری بکەینەوە، ئەوانەی ئێستاش فراوانتر بکەین.
هەرێمی کوردستان ساڵانە بە بڕی زیاتر لە 20 ملیار دینار کاڵا و کەلوپەل لە وڵاتان دەکڕێت، 50٪ـی کاڵاکان تورکین، قەبارەی هەناردەش بۆ تورکیا 0٪ـە.
مستەفا شێخ عەبدولڕەحمان، سەرۆکی یەکێتیی هاوردە و ناردنکاران دەڵێت: کاڵا و کەلوپەلی تورکیا هەرزانە و کوالێتیشی باشە، هەروەها زوو دەگات و خواستیشی زۆرە، ئەوە هۆکاری ئەوەیە کە بازاڕ نیوەی کاڵای تورکی بێت.
تورکیا و هەرێمی کوردستان سێ دەروازەی سنوورییان پێکەوە هەیە، بەپێی ئاماری وەزارەتی بازرگانی، تاوەکو مانگی تەممووز قەبارەی بازرگانی زیاتر لە سێ ملیار دۆلار بووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ