کوردستان
ئەو کەسەی کە تۆمەتبارە بە سووتاندنی بەشێکی گۆیژە. وێنەکە لە ڤیدیۆیەکی بەڕێوەبەرایەتیی پۆلیسی سلێمانییەوە وەرگیراوە.
رووداو دیجیتاڵ
پۆلیسی پارێزگای سلێمانی رایگەیاند، ئەو کەسەیان دەستگیرکردووە کە دوێنێ هەینی لەسەر چیای گۆیژەی سلێمانی ئاگری کردبووە و چەندین داری سووتاندبوو.
سەرکەوت ئەحمەد، گوتەبێژی پۆلیسی پارێزگای سلێمانی بە تۆڕی میدیایی رووداوی راگەیاند، مەفرەزەکانی پۆلیسی پارێزگای سلێمانی-بەشی پۆلیسی نەھێشتنی تاوان ئەو تۆمەتبارەیان دەستگیرکرد کە دوێنێ لە چیای گۆیژە ئاگری کردبووەوە و چەندین داری سووتاندبوو.
رۆژی هەینی 25-06-2021 کەسێک لە چیای گۆیژە ئاگرێک دەکاتەوە و جێیدەهێڵێت، دوای ئەوەی ئاگرەکە تەشەنە دەکات، لەلایەن چەند هاونیشتمانییەکەوە کۆنترۆڵدەکرێت. دوای رووداوەکە پۆلیسی سلێمانی دەستی بە لێکۆڵینەوە و بەدواداچوون کرد و سەرکەوت ئەحمەد دەڵێ: "دوای لێکۆڵینەوەی ورد و کۆکردنەوەی زانیاری و وەرگرتنی بڕیاری دادوەر، توانرا شەوی رابردوو تۆمەتبارەکە بدۆزرێتەوە و دەستگیربکرێت و دەستیش بگیرێت بەسەر ئۆتۆمبێلەكەیدا."
تۆمەتبارەکە ناوی (ی ، ق ،م )ـە و لە دایكبووی 1999ـە، بەپێی ماددەی 342 لە یاسای سزادانی عێراقی راگیراوە و لێکۆڵینەوە لەگەڵیدا بەردەوامە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ