رووداو دیجیتاڵ
لە رێگەی گوێڕ-هەولێر، تانکییەکی نەوتی رەش گڕیگرت و تەقییەوە. پەیامنێری رووداو دەڵێت، ئاگرەکە کۆنترۆڵکرا و رووداوەکە زیانی گیانی نەبووە.
رووداوەکە ئەمڕۆ یەکشەممە، 26-01-2025، لە رێگەی گوێڕ-هەولێر لە یەکێک لە پاڵاوگە نەوتییەکان روویداوە. دڵنیا رەحمان، پەیامنێری تۆڕی میدیایی رووداو لە شوێنی رووداوەکە رایگەیاند، پاشماوەی تانکییەکە دیارە و تیمەکانی بەرگریی شارستانیی ئاگرەکەیان کۆنترۆڵ کردووە.
لە تۆڕە کۆمەڵایەتییەکان ڤیدیۆیەکی تایبەت بە ئاگرکەوتنەوە و تەقینەوەی تانکییەکە بڵاوکراوەتەوە کە دووکەڵ و ئاگرێکی زۆری تێدا دەبینرێت.
شاخەوان سەعید، گوتەبێژی بەرگریی شارستانیی هەولێر رایگەیاند، یەک تەنکی پاڵاوگەکە فلۆیینی تێدا بووە، مادەی گەرمیان بەسەرکردووە، بۆیە ئاگر کەوتووەتەوە، بەڵام چوار تیمیان زوو گەیشتوونەتە شوێنی رووداوەکە و نەیانهێشتووە تەشەنە بکات.
نیوەڕۆی ئەمڕۆ یەک تەنکیی پاڵاوگەیەک لەسەر رێگەی گوێڕ ئاگری گرت و گوتەبێژی بەرگریی شارستانیی هەولێر دەڵێت، هیچ زیانێکی گیانی نەبووە و زوو کۆنترۆڵکراوە pic.twitter.com/mb8XGqX6DE
— Rudaw (@Rudawkurdish) January 26, 2025
بەگوتەی شاخەوان عەبدوڵڵا، هەرزوو ئاگرەکە کۆنترۆڵ کراوە و لە رووداوەکەدا هیچ زیانێکی گیانی نەبووە.
ژمارەیەک پاڵاوگە لە رێگەی گوێڕ-هەولێر هەن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ