رووداو دیجیتاڵ
لە دوو رووداوی هاتووچۆدا لە سنووری شارەکانی تیکاب و کرماشانی رۆژهەڵاتی کوردستان، 14 کەس برینداربوون و کەسێکیش گیانی لەدەستدا.
ئەمڕۆ هەینی 24-01-2025 مەسعود قەلعە سفیدی، بەڕێوەبەری فریاکەوتنی خێرای پارێزگای کرماشان رایگەیاند، لەنزیک شارۆچکەی فیرووزئاوای سەر بە شاری کرماشان، ئۆتۆمبێلێکی تایبەت وەرگەڕاوە کە جگە لە شۆفێرەکەی، حەوت کەسی تێدا بووە.
بە گوتەی مەسعود قەڵعە سفیدی، لە رووداوەکەدا حەوت کەس برینداربوون و کەسێکیش گیانی لەدەستداوە.
پۆلیس سەرقاڵی لێکۆڵینەوە لە رووداوەکەیە و زانیارییە سەرەتاییەکان دەریدەخەن، تیژڕۆیی هۆکاری سەرەکیی وەرگەڕانی ئۆتۆمبێلەکە بووە.
هاوکات لە سێڕییانی گوندی دوورباشـی سەر بە تیکابی پارێزگای ورمێ، دوو ئۆتۆمبێلی تایبەت لە جۆرەکانی پیژۆ رووا و پراید پێکیاندادا و حەوت کەس بریندار بوون.
بەگوێرەی راپۆرتی دادپزیشکیی ئێران، لە 21-03-2024ـەوە تاوەکو 21-10-2024، 11 هەزار و 873 کەس لە ئێران و رۆژهەڵاتی کوردستان بە رووداوی هاتووچۆ گیانیان لەدەستداوە و 238 هەزار و 384 کەسیش برینداربوون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ