لە کافتریایەکی زاخۆ کەسێک دەکوژرێت

 

رۆژی هەینی، 23-9-2022، ئەحمەد رەمەزان، بەرپرسی راگەیاندن و پەیوەندییەکانی پۆلیسی زاخۆ بە تۆڕی میدیایی رووداوی گوت، نزیکەی کاژێر 08:30ی ئەمشەو، کەسێک بەناوی (و.ح.ع) تەمەن 31 ساڵ لەلایەن کەسێکی دیکەوە بەناوی (ا.ع.ع) کوژرا.

 

رووداوەکە لە یەکێک لە کافتریاکانی نێرگەلەکێشاندا لە زاخۆ روویداوە. بەگوتەی ئەحمەد رەمەزان، تۆمەتبارەکە دەستگیرکراوە و تاوانەکەشی بە دەمانچە ئەنجام داوە.

 

بە گوێرەی ئاماری پۆلیسی هەرێمی کوردستان، لە ساڵی 2021دا 215 رووداوى کوشتنى بەئەنقەست، 59 کوشتنى بەهەڵە و 287 خۆکوشتن تۆمارکراون.