رووداو دیجیتاڵ
بەڕێوەبەری گشتیی دادپزیشکیی پارێزگای لوڕستان دەڵێت، لە سێ مانگدا لانیکەم 13 کەس لە رووبار و بەنداوەکانی پارێزگاکەدا خنکاون.
محەممەد فارسینەژاد، بەڕێوەبەری گشتیی دادپزیشکیی پارێزگای لوڕستانی رۆژهەڵاتی کوردستان رایگەیاند، لە 21-03-2024ـەوە تاوەکو 21-06-2024 لانیکەم 13 کەس لە بەنداو و رووبارەکانی پارێزگاکەدا خنکاون.
محەممەد فارسینەژاد گوتی، لەو ژمارەیە 11یان پیاو و دوو کەسەکەی دیکە ژن بوون.
بەڕێوەبەری گشتیی دادپزیشکیی پارێزگای لوڕستان هۆکاری خنکانی ئەو هاونیشتمانییانەی بۆ ئەوە گەڕاندووەتەوە کە لە شوێنی رێگەپێنەدراو مەلەیان کردووە.
رۆژی 26-05-2024 جەعفەر میعادفەڕ، بەڕێوەبەری گشتیی فریاکەوتنی خێرای ئێران گوتی، لە دوو مانگی پێش ئەو رێککەوتەدا 159 کەس لە رۆژهەڵاتی کوردستان و ئێران لە رووبار، بەنداو و مەلەوانگەکاندا خنکاون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ