رووداو دیجیتاڵ
بەهۆی هەرەسی بەفرەوە لە بەرزاییەکانی شاخی قەندیل لە سنووری شاری پیرانشاری رۆژهەڵاتی کوردستان حەوت ئەندامی گرووپێکی شاخەوانی کەوتنە ژێر بەفرەوە؛ شەش کەسیان لەلایەن تیمەکانی مانگی سوور و فریاکەوتنەوە رزگارکران و یەکێکیشیان گیانی لەدەستدا.
ئیبراهیم عەزیزنەژاد، بەڕێوەبەری فریاکەوتنی پیرانشار رایگەیاند، دوای نیوەرۆی پێنجشەممە بەهۆی هەرەسی بەفرەوە گرووپێکی شاخەوانی کە لە حەوت کەس پێکهاتبوون، لە بەرزاییەکانی شاخی قەندیل و لە ناوچەی ناسراو بە شێخ عایشە کەوتنە ژێر بەفرەوە.
ئیبراهیم عەزیزنەژاد گوتی، لە رووداوەکەدا کەسێک گیانی لەدەستداوە و شەش کەسیش لەلایەن تیمەکانی فریاکەوتنەوە رزگارکران.
بە گوتەی عەزیزنەژاد، یەکێک لەوانەی رزگارکراون، بە سەختی بریندار بووە و بە ئەمبوڵانس بۆ نەخۆشخانەی شاری پیرانشار گوێزراوەتەوە و چارەسەر وەردەگرێت.
حەمید مەحبووبی، بەڕێوەبەری کۆمەڵەی مانگی سووری پارێزگای ورمێش رایگەیاند، دوای پێنج کاژێر گەڕان، تیمەکانی مانگی سوور و فریاکەوتن گەیشتنە شوێنی رووداوەکە و سەرەتا پێنج کەس لە گرووپە حەوت کەسییەکە لە ژێر بەفر دەرهێنران و رزگارکران.
بە گوتەی مەحبووبی، دوای چەندین کاژێر هەوڵدان، توانیویانە دوو کەسەکەی دیکەش لە ژێر بەفرەوە دەربهێنرێن، کە یەکێکیان گیانی لەدەستداوە و ئەوەی دیکەیان بە سەختی بریندار بووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ