رووداو دیجیتاڵ
دەزگاکانی کەشناسی لە پارێزگاکانی رۆژهەڵاتی کوردستان پێشبینی دەکەن، ئەمڕۆ و سبەی لە زۆربەی ناوچەکان باران ببارێت، لە هەندێک شوێنیشدا بە تایبەتی لە پارێزگای ورمێ، بەفر ببارێت.
کەشناسی پارێزگای سنە، پێشبینی دەکات ئەمڕۆ (سێشەممە، 21-3-2023 یەکەم رۆژی جەژنی نەورۆز) ئاسمان هەور بێت و باران ببارێت، پلەی گەرماش نزیکەی 8 پلەی سیلیزی بێت، رۆژی چوارشەممەش هەر وەک ئەمڕۆ پێشبینی بارانبارین دەکرێت و پلەکانی گەرما نزیکەی 7 پلە دەبن.
کەشناسیی پارێزگای کرماشان پێشبینی دەکات ئەمڕۆ و سبەی باران ببارێت و پلەی گەرما لەنێوان 11 بۆ 12 پلەی سلیزیدا بێت.
لە پارێزگای ورمێ، هەوا ساردتر دەبێت و کەشناسیی پێشبینیی دەکات ئەمڕۆ بەفر و باران ببارێت، بەڵام بۆ رۆژی چوارشەممە، بۆ زۆربەی ناوچەکانی پێشبینی بارینی بەفر دەکات.
بۆ پارێزگای ئیلام، کەشناسی پێشبینی دەکات، ئەمڕۆ و رۆژی چوارشەممە باران ببارێت و پلەی گەرما لە نێوان 9 بۆ 11 پلەدا دەبێت.
لە پارێزگای لوڕستانیش پێشبینی دەکرێت لە زۆربەی ناوچەکاندا باران ببارێت و بەرزترین پلەکانی گەرما ئەمڕۆ دەگاتە 9 پلەی سلیزی و رۆژی چوارشەممەش 8 پلە دەبێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ