رووداو دیجیتاڵ
لە کەلار کرێکارێک لە کاتی کارکردندا بەهۆی تەزووی کارەباوە گیانی لەدەستدا.
رۆژی چوارشەممە، 18ـی کانوونی یەکەمی 2024، رزگار لەتیف، بەڕێوەبەری نەخۆشخانەی فریاکەوتنی شەھید ھەژار لە کەلار بە تۆڕی میدیایی رووداوی راگەیاند، "کاژێر 05:00ـی ئێوارە، تەرمی گەنجێک بەناوی عومەر عیماد حەسەن تەمەن 25 ساڵ، گەیێندرایە نەخۆشخانەکەمان کە بەهۆی تەزووی کارەبا گیانی لەدەستدابوو."
بە گوتەی رزگار لەتیف، گەنجەکە کرێکار بووە و لەگەڵ ئۆتۆمبێلی میکسەر خەریکی کارکردن بووە، لەوکاتەدا بەرزکەرەوەی پەمپی ئۆتۆمبێلەکە بەر وایەری کارەبای گەڕەکەکە کەوتووە بەهۆیەوە گیانی لەدەستداوە."
بەڕێوەبەری نەخۆشخانەی فریاکەوتنی شەھید ھەژار دەڵێت،کاتێک گەنجەکە بردراوەتە نەخۆشخانە، هەوڵیانداوە لێدانی دڵی بۆ بگەڕێننەوە، بەڵام هەوڵەکانیان بێسوود بوون و تەرمەکەیان ناردووەتە دادپزیشکیی.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ