رووداو دیجیتاڵ
هاووڵاتییەک لە شاری بروجێردی پارێزگای لوڕستان سێ خوشکی خۆی کوشت. قایمقامی شارەکە دەڵێت، رووداوەکە بەهۆی کێشەی خێزانییەوە بووە.
رووداوەکە ئێوارەی دوێنێ هەینی 17-01-2025 لە یەکێک لە گەڕەکەکانی شاری بروجێردی بەناوی ئیبراهیماوا روویدا.
قودرەتوڵڵا وەلەدی، قایمقامی شارەکە رایگەیاند، ئەو کەسە تەقەی لە خوشکەکانی کردووە و لە ئەنجامدا هەرسێکیان کوژراون.
قایمقامی شاری بروجێرد ئاماژەی بەوە کرد، هەر زوو تیمەکانی پۆلیس لێکۆڵینەوەیان دەستپێکرد و لە کەمتر لە یەک کاژێردا بکوژیان دەستگیر کرد. ئەوەشی خستەڕوو، ئێستا بکوژ لێکۆڵینەوەی لەگەڵدا دەکرێت، بەپێی زانیارییە سەرەتاییەکان بەهۆی کێشەی خێزانییەوە خوشکەکانی خۆی کوشتووە.
بەگوێرەی ئامارە نافەرمییەکان، لە 21-03-2024 تاوەکو 21-06-2024 لانیکەم 35 ژن لە ئێران و رۆژهەڵاتی کوردستان بە پاساوی جۆراوجۆر لەلایەن باوک، برا، مام و کەسوکاریانەوە کوژراون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ