لە پیرانشار ئۆتۆمبێلێک وەرگەڕا و بەهۆیەوە سێ کەس گیانیان لەدەستدا

09-11-2023
سینا سۆما
A+ A-
رووداو دیجیتاڵ
 
لە رووداوێکی هاتووچۆدا لە شاری پیرانشاری سەر بە پارێزگای ورمێی رۆژهەڵاتی کوردستان، سێ کەس گیانیان لەدەستدا و کەسێکیش بریندار بوو.
 
رووداوەکە کاژێر 2ـی بەرەبەیانی پێنجشەممە، 09-11-2023، لەسەر رێگەی پیرانشار - سەردەشت روویداوە.
 
ئیبراهیم عەزیزنەژاد، بەرپرسی فریاکەوتنی پیرانشار رایگەیاند، "ئۆتۆمبێلێکی جۆری سەمەند لە سەر رێگەی پیرانشار - سەردەشت و لە نزیکی هۆڵی شایی کوردستان وەڕگەرا. دوای ئەوەی ئاگادارکراینەوە، تیمێکی فریاکەوتنمان لەگەڵ سێ ئامبولانس بۆ شوێنی رووداوەکە نارد".
 
بەگوتەی عەزیزنەژاد، "لە رووداوەکەدا دوو لە سەرنشینانی ئۆتۆمبێلەکە دەستبەجێ لە شوێنی رووداوەکە گیانیان لەدەستداوە و دوو کەسیش بریندار بوون کە لە لایەن تیمەکانی فریاکەوتنەوە گوازرانەوە نەخۆشخانە، بەڵام یەکێک لە بریندارەکان بەهۆی سەختی برینەکەی لە نەخۆشخانە گیانی لەدەستدا و بەمشێوەیەش ژمارەی قوربانیانی رووداوەکە بۆ سێ کەس بەرز بووەوە".
 
سەبارەت بە دۆخی بریندارەکەی دیکەش، بەرپرسی فریاکەوتنی پیرانشار رایگەیاند، چارەسەری پێویستی بۆ کراوە و تەندروستیی جێگیرە.

 

 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

رێکخراوەکە دەڵێت، رێگرییەکان بە پلەی یەکەم لەلایەن هێزە ئەمنییەکانەوە بوون

پەیامنێران بۆ ماف و گەشەپێدان: رێگری لە رووماڵی بەشێک لە دەزگا میدیاییەکان دەکرێت و زانیاریشیان پێنادرێت

ئەمڕۆ کە هاوکاتە لەگەڵ 'رۆژی جیهانیی ئازادیی رۆژنامەگەری،' رێکخراوی پەیامنێران بۆ ماف و گەشەپێدان لە راگەیێندراوێکدا رایگەیاند، لە چوار مانگی رابردووی ئەم ساڵدا پێشێلکاری بەرامبەر 31 رۆژنامەڤان و 14 دەزگای میدیایی لە هەرێمی کوردستان کراوە. سەرۆکی رێکخراوەکە دەڵێت، رێگری لە رووماڵی بەشێک لە دەزگا میدیاییەکان دەکرێت و زانیاریشیان پێنادرێت