رووداو دیجیتاڵ
لە پارێزگای لۆڕستانی رۆژهەڵاتی کوردستان دەست بەسەر زیاتر لە 100 چەکی نایاسایی و قاچاخدا گیرا و 67 کەسیش لەلایەن هێزە ئەمنییەکانەوە بە تۆمەتی قاچاخچێتیی چەک و هەڵگرتنی نایاسایی چەک دەستگیرکران.
یەحیا ئیلاهی، بەڕێوەبەری پۆلیسی پارێزگای لۆڕستان ئەمڕۆ چوارشەممە رایگەیاند، لە 24 کاژێری رابردوودا لە چەندین ناوچە و شاری ئەو پارێزگایە بە تایبەت لە هەندێک گەڕەک کە رێژەی تاوان تێیدا زۆرترە، ئۆپەراسیۆنێکی هاوبەش لەلایەن هێزە ئەمنییەکانەوە بەڕێوەچوو.
بە گوتەی ئیلاهی، لە ئۆپەراسیۆنەکەدا دەست بەسەر 101 چەکی جۆری جەنگی و راو و 549 فیشەکدا گیرا و 67 کەسیش بە تۆمەتی قاچاخچێتیی چەک و هەڵگرتنی چەکی نایاسایی دەستگیرکران.
بەڕێوەبەری پۆلیسی پارێزگای لۆڕستان دەشڵێت، "پەڕاوی لێکۆڵینەوە بۆ تۆمەتباران کرایەوە و دوای لێکۆڵینەوەی سەرەتایی بڕیاری گرتنیان بۆ دەرکرا و تۆمەتبارەکان رەوانەی زیندان کران."
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ