رووداو دیجیتاڵ
لە ناحیەی فایدەی سنووری سێمێل، ژن و پیاوێک لە نیوە شەودا لە ماڵەکەی خۆیاندا کوژران. سەرچاوەیەکی ئەمنی لە سنوورەکە بە رووداوی گوت، ئەو ژن و پیاوە تەنیا منداڵێکی پێنج مانگیان هەیە.
رووداوەکە بەرەبەیانی ئەمڕۆ روویداوە. سەرچاوەکە بە رووداوی گوت، کەسێک چووەتە سەر ماڵی دوو هاوژینەکە لە شوقەیەکدا و تەقەی لێکردوون، بەهۆیەوە هەردووکیان کوژراون، تەنیا منداڵەکەیان کە تەمەنی پێنج مانگە، رزگاری بووە.
بەگوێرەی زانیارییەکانی رووداو، ژن و پیاوەکە تەمەنیان 30 و 35 ساڵان بووە.
بە گوتەی ئەو سەرچاوەیەی رووداو، پیاوە کوژراوەکە ناوی جوان رێزانە، خۆی و هاوژینەکەی خەڵکی رۆژئاوای کوردستان بوون، جوان چەند ساڵێکە لەنێو پەکەکە گەڕاوەتەوە هەرێمی کوردستان و لە فایدە نیشتەجێن.
تەرمی دوو هاوژینەکە براوەتە پزیشکی دادی دهۆک و لێکۆڵینەوە لە رووداوەکە دەستیپێکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ