رووداو دیجیتاڵ
سەرۆکی کۆمەڵی دادگەریی کوردستان لەبارەی راگەیاندنی ئۆپەراسیۆنی "تۆفانی ئەقسا" لەلایەن بزووتنەوەی حەماس بۆ سەر ئیسرائیل دەڵێت، "ماوه‌یه‌كی زۆر به‌سه‌ر تاوانه‌كانی هێزه زایۆنییه‌كاندا تێپه‌ڕی، له كوشتن، كاولكاری، سووتاندن، ده‌ربه‌ده‌ركردن و چه‌ندین جۆری دیكه‌ی ده‌ستدرێژیی دژی فه‌له‌ستینییه‌كان، له‌به‌رئه‌وه كاتی ئه‌و كاردانه‌وه‌یه هاتبوو كه بینیمان."
بەرەبەیانی شەممە 07-10-2023 بزووتنەوەی حەماس، ئۆپەراسیۆنی "تۆفانی ئەقسا" ـی دژی ئیسرائیل راگەیاند، دوای هێرشەکەی بزووتنەوەی حەماسیش، سوپای ئیسرائیل دەستی بە بۆردوومان و تۆپبارانی چەند شوێنێکی غەززە کرد و لە هەندێک شوێنیشدا شەڕ لەنێوان سەربازانی ئیسرائیل و چەکدارانی حەماس دروستبوو.
لەوبارەوە عەلی باپیر، سەرۆکی کۆمەڵی دادگەری رایگەیاند، "ئه‌وه‌ی به‌یانیی ئه‌مڕۆ له نێوان تێكۆشه‌رانی فه‌له‌ستینی و زایۆنییه‌كان له پشتێنه‌ی غه‌ززه روویدا، شایه‌تی جێبه‌جێبوونی فه‌رمایشتی خوای به‌رز و مه‌زنه كه ده‌فه‌رمووێ (سَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ (227)} الشعراء. واته، (سته‌مكارانیش رۆژێک دێت بزانن به‌ره‌و چی سه‌ره‌نجامێک ده‌چن)."
عەلی باپیر گوتیشی، "ماوه‌یه‌كی زۆر به‌سه‌ر تاوانه‌كانی هێزه زایۆنییه‌كان تێپه‌ڕی، له كوشتن، كاولكاری، سووتاندن، ده‌ربه‌ده‌ركردن و چه‌ندین جۆری دیكه‌ی ده‌ستدرێژیی دژی فه‌له‌ستینییه‌كان، په‌نگی دایه‌وه و له‌سه‌ری رژا و ئارامیی به‌رگریكارانی فه‌له‌ستینی كۆتایی هات، له‌به‌ر ئه‌وه كاتی ئه‌و كاردانه‌وه‌یه هاتبوو كه بینیمان."
سەرۆکی کۆمەڵی دادگەری کوردستان دەڵێت، له خوای به‌رز و مه‌زن ده‌پاڕێینه‌وه كه پاڵپشتی فه‌له‌ستینییه‌كان و هه‌موو سته‌ملێكراوان و چه‌وساوان بێت له هه‌موو جیهان و سه‌ریان بخات به‌سه‌ر دوژمنه سته‌مكار، داگیركار و ماف زه‌وتكاره‌كانیاندا. هیوادارم ئه‌وه‌ی روویدا ببێته په‌ند و ئامۆژگاریی بۆ هه‌موو ئه‌وانه‌ی په‌ند له رووداوه‌كانی رۆژگار وه‌رده‌گرن، به‌تایبه‌تی زایۆنییه داگیركاره‌كانی یه‌كه‌مینی دوو رووگه‌كه و سێیه‌مینی دوو شوێنه پیرۆزه‌كه‌ی مسوڵمانان."
سەرۆکی کۆمەڵی دادگەری داوای نزا بۆ فەلەستینییەکان و دەڵێت، "له‌سه‌ر تێكڕای موسڵمانانیش پێویسته پشتیوانیی گه‌لی سته‌مدیده‌ی فه‌له‌ستین بكه‌ن به‌هه‌رچی له توانایاندایه، ته‌نانه‌ت ئه‌گه‌ر به نزایه‌كیش بێت".
میدیای ئیسرائیلی دەڵێت، ژمارەی کوژراوانی ئیسرائیلی گەیشتووەتە 250 کەس، هەزار و 500ـی دیکەش بریندار بوون، کە 290ـیان لە دۆخێکی مەترسیداردان. تەندروستیی غەززەش رایگەیاند، ژمارەی ئەوانەی بەهۆی هێرشە ئاسمانییەکانی ئیسرائیلەوە گیانیان لەدەستداوە، گەیشتووەتە 232 کەس و هەزار و 700ـی دیکەش بریندار بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ