دیمەنی کەمێک دوای بۆردوومانەکە
رووداو دیجیتاڵ
بەیانیی ئەمڕۆ فڕۆکەی تورکیا نزیک سەنتەری ناحیەی بامەڕنێی لە سنووری ئامێدی بۆردوومان کرد و کەسێک بریندار بووە.
بۆردوومانەکە کاژێر 07:00ـی بەیانیی ئەمڕۆ بووە. بازید جەمیل، ئامۆزای ئەو هاونیشتمانییەی کە بریندار بووە بە رووداوی گوت، ئامۆزاکەی ناوی مەتینە، تەمەنی 23 ساڵە و شوانە، لە بۆردوومانەکەدا بریندار بووە و رەوانەی نەخۆشخانەی فریاکەوتنی دهۆک کراوە.
ئەو هاونیشتمانییە باسی لەوە کرد، یەکەم جارە تورکیا ئەو شوێنە بۆردوومان دەکات. گوتیشی، "کەسێکی دیکەش لە نزیک شوێنی بۆردوومانەکە بووە و هێشتا نازانرێت گیانی لەدەستداوە یان نا."
ناحیەی بامەڕنێ سەر بە قەزای ئامێدییە لە پارێزگای دهۆک. بەگوتەی ئەو هاونیشتمانییە، پێشتر هیچکات ئەو شوێنە بۆردوومان و تۆپباران نەکراوە کە ئەمڕۆ فڕۆکەی تورکیا بەئامانجی گرتووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ