کوردستان
وێنەی کاتی پاککردنەوەی رێگەکە لە بەفر و رزگارکردنی گەشتیارەکان کە لەلایەن ئیدارەی سەربەخۆی سۆران بڵاوکراوەتەوە
رووداو دیجیتاڵ
ئیدارەی سەربەخۆی سۆران رایگەیاند ئەو گەشتیارانەی لە چیای حەسەن بەگ و زۆزگ لەنێو بەفردا گیریان خواردبوو، ئەم شەو رزگارکران.
ئیدارەی سەربەخۆی سۆران، لە راگەیێندراوێکدا ئەمشەو، (یەکشەممە، 4-2-2024) دەڵێ، ژمارەیەکی زۆری گەشتیاران لە چیای حەسەن بەگ و زۆزک، بەھۆی شەپۆلی بەفربارینی ئێوارەی ئەمڕۆ، گیریان خواردبوو.
.jpg "ئۆتۆمبێلێک لەکاتی پاککردنەوەی رێگەکە لە بەفر")
بەپێی راگەیاندنی ئیدارەی سەربەخۆی سۆران "هەڵگورد شێخ نەجیب، سەرپەرشتیاری ئیدارەی سەربەخۆی سۆران نووسینگەی تایبەت و سەرجەم تیمەکان، بەڕێوەبەرایەتی گواستنەوە و گەیاندن، بەرگریی شارستانی و بەڕێوەبەرایەتی چاککردنەوە و پاراستنی رێگەوبانی ئیدارەی سەربەخۆی سۆرانی راسپاردووە بۆ رزگارکردنی گەشتیاران و کردنەوەی رێگەکان، دوای هەوڵێکی زۆر و، پاککردنەوەی رێگەکان، سەرجەم گەشتیاران رزگار کران."
.jpg "تیمەکانی ئیدارەی سەربەخۆی سۆران")
ئێوارەی ئەمڕۆ ئەندام جەبار، پەیامنێری رووداو گوتی، رێگەی سەری بەرد، کە لە سۆرانەوە دەچێت بۆ قەزای سیدەکان و رێگەیەکی یەک ساید و پێچاوپێچ و هەورازە، لە کاژێر 04:00ـی دوانیوەڕۆی ئەمڕۆ (یەکشەممە، 4-2-2024)ـەوە بەفربارین لێی بەردەوامە، گەشتیارەکان بەو رێگەیە چوونەتە چیای حەسەن بەگ.
.jpg "یەکێک لە پاسەکانی گەشتیاران")
پەیامنێرەکەی رووداو هەروەها رایگەیاند زیاتر لە 40 پاسی گەشتیاران کە نزیکەی 900 گەشتیاری کورد و عەرەبیان تێدابوو، لە چیای حەسەن بەگ گیریان خواردبوو.
.jpg "تیمەکان لەکاتی کارکردن بۆ پاککردنەوەی رێگەکە")
ئەو بەفربارین و کەشە ساردە لەکاتێکدایە، ئەمڕۆ بەراورد بە دوێنی پلەی گەرما نزیکەی چوار پلە دابەزی و بەفربارین لە ناوچە شاخاوییە بەرزەکان و بەشێک لە قەزا و ناحیەکانی ناوچە شاخاوییەکان بەردەوام بوو.
ئاراس جەبار، شارەزای کەشناسی ئەمڕۆ بە تۆڕی میدیایی رووداوی گوت، شەپۆلی بارانبارینی ئەمڕۆ و سبەی کاریگەریی زیاتری لەسەر سنووری سلێمانی، ئیدارەی سەربەخۆی راپەڕین و ناوچە شاخاوییەکانی رۆژهەڵاتی پارێزگای هەولێر دەبێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ