لە بانە رووبەڕووبوونەوەی چەکداری روویدا؛ سەربازێک کوژراوە و سێ کەسی دیکە بریندارن

02-05-2024
سینا سۆما
A+ A-
رووداو دیجیتاڵ 

فەرماندەی هێزی پاسەوانی سنووریی پارێزگای سنەی رۆژهەڵاتی کوردستان رایگەیاند، لە رووبەڕووبوونەوەیەک لەگەڵ ژمارەیەک چەکداری "گرووپێکی دژبەری کۆماری ئیسلامی ئێران" لەسەر سنووری شاری بانە، سەربازێک کوژرا و سێ کەسی دیکەش بریندار بوون.
 
بەپێی ئاژانسی هەواڵی تەسنیم کە سەر بە سوپای پاسدارانە، رۆژی پێنجشەممە، 02-05-2024، محەممەد عارف سپێهری، فەرماندەی هێزی پاسەوانی سنووریی پارێزگای سنە رایگەیاند، لە رووبەڕووبوونەوەیەکی چەکداریدا لە ناوچەی سنووریی هەنگەژاڵی بانە، سەربازێکی ئێران کوژرا و دوو سەربازی دیکەش لەگەڵ کارمەندێک بریندار بوون.
 
محەممەد عارف سپێهری گوتی: "شەوی رابردوو لە کاتی کۆنترۆڵکردن و پاراستنی هێڵی سنوور لەو ناوچەیە لە نێوان هێزەکانی پاسەوانی یەکەی پاسەوانیی بانە و گرووپێکی دژبەر رووبەڕووبوونەوەکە روویداوە، سەربازەکان بە شێوەیەکی بەهێز و بوێرانە رووبەڕوویان بوونەتەوە. هێرشەکە تێکشکێندرا و هەوڵەکان بۆ دەستبەسەرکردنیان بەردەوامە."
 
گوتیشی، لە رووبەڕووبوونەکەدا سەربازێک کوژرا و دوو سەرباز و ستافێکی بنکەی سەربازی هەنگەژاڵ بریندار بوون.
 
فەرماندەی هێزی پاسەوانی سنووری پارێزگای سنە دەڵێت، ئەو سەربازی لە رووبەڕووبوونەوەکەدا کوژراوە، ناوی فەرزین بلیان-ە و خەڵکی شاری کرماشانە. بریندارەکانیش گوازراونەتەوە نەخۆشخانەی شاری بانە و چارەسەر وەردەگرن.
 
عەلی ئازادی، بەڕێوەبەری پۆلیسی پارێزگای سنە لە راگەیێندراوێکدا، رووداوەکەی سەر سنووری هەنگەژاڵی بانەی وەک "رووداوێکی تیرۆریستی" ناوزەند کرد و شەرمەزاری کرد.
 
تائێستا هیچ گرووپ و لایەنێک بەرپرسیاریێتی رووداوەکەی سنووری هەنگەژاڵی بانەی لە ئەستۆ نەگرتووە.

 

 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

حوسێن ئۆڵان، پەرلەمانتاری دەم پارتی لە پارێزگای بەدلیس

حوسێن ئۆڵان: رەنگە 11ی ئایار ئەنجامی کۆنگرەی پەکەکە رابگەیێندرێت

پەرلەمانتارێکی دەم پارتی رایدەگەیێنێت، بەهۆی بارودۆخی ئەمنییەوە راگەیاندنی ئەنجامی دوازدەهەمین کۆنگرەی پەکەکە دواکەوتووە، پێشبینی دەکات رۆژی یەکشەممە ئەنجامەکان ئاشکرا بکرێن. هاوکات داوا دەکات تاوەکو مانگی حوزەیران نزیکەی 4000 زیندانیی کورد ئازاد بکرێن و یاسای دژەتیرۆریش لە تورکیا هەمواربکرێتەوە