رووداو- سلێمانی
نرخی کارەبای مۆلیدە ئەهلییەکان بۆ مانگی کانوونی یەکەم لە سلێمانی دیاریکرا.
سیروان محەممەد، گوتەبێژی بەڕێوەبەرایەتی كارەبای سلێمانی بە تۆڕی میدیایی رووداوی راگەیاند، نرخی كاژێرێك کارەبای مۆلیدە ئەهلییەکان بۆ مانگی 12ی 2018 بە 42 دینار دیاریکراوە. مۆلیدەكانیش بەتێكڕایی لەنێوان 240 بۆ 255 كاژمێر كاریان كردووە، بەوەش نرخی ئەمپێرێك كارەبا لە نێوان 10 هەزار بۆ 11 هەزار دیناردا دەبێت.
گوتەبێژی كارەبای سلێمانی راشیگەیاند، بۆ مانگی 1ی 2019 بەرنامەی مۆلیدە ئەهلییەكان بەشێوەیەک دانراوە کە "رۆژانە لە كاژێر (2:00)ی پاشنیوەڕۆ بۆ (1:00)شەو، بەیانیان كاژێر 7:00 بۆ 8:00 کاردەکەن، لەو كاتانەدا كارەبای نیشتمانی نەبوو مۆلیدەکان كارەبا دابیندەكەن.
سەبارەت بە نرخی كارەبای یەكەكانی نیشتەجێبوون، سیروان محەممەد رایگەیاند، نرخی كیلۆواتێك كارەبا بە (218) دینار دیاریكراوە، بەڵام ئەگەر وێستگەكانیان KV11 بوو، ئەوا 5 دینار و وێستگەكەی (KV33) بوو 10 دیناری بۆ زیاد دەكرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ