پسپۆڕێک: زۆرجار شێوازی وازهێنان لە نان و برنج زانستی نییە

29-12-2024
شکار رێبوار
ئارێز خالید - د. رێباز تاهیر.
ئارێز خالید - د. رێباز تاهیر.
A+ A-
رووداو - تەندروستی 

پسپۆڕێکی خۆراک و چارەسەری قەڵەوی ئاشکرای دەکات، قەڵەوی نەخۆشییەکی درێژخایەن و ئاڵۆزە و رێژەی تووشبوونیش لە هەرێمی کوردستان و عێراق زیادبووە.
 
ئەمڕۆ یەکشەممە 29-12-2024 د. رێباز تاهیر، پسپۆڕی خۆراک و چارەسەری قەڵەوی لە بوولتەنی کاژێر 14:00ـدا بە رووداوی راگەیاند، زۆر کەس بە شێوازی نازانستی واز لە نان و برنج دەهێنن کە زانستی نییە، چونکە لەلایەن کەسانی شارەزاوە رێنوێنی نەکراون و دەشێت چەندین خۆراکی دیکە بخۆن کە زۆر لە نان و برنجەکە خراپتر بن بۆ قەڵەوبوون.
 
چۆن دەزانیت قەڵەوی یان کێشزۆری؟
 
ئەو پسپۆڕە ئاماژە بە هاوکێشەیەک دەکات کە پێی دەگوترێت ''BMI''، بەجۆرێکە کە کێش بە کیلۆگرام دابەشدەکرێت بەسەر درێژیی باڵا بە مەتر دووجا، ئەگەر هاتوو 18.5 تاوەکو 25 دەرچوو ئەوا کێشی ئاساییە؛ لە 25 تاوەکو 30 ئەوا کێشی زۆرە؛ لە 30 بەرەو سەرەوە ئەوا کەسەکە قەڵەوە.
 
د. رێباز تاهیر دەڵێت: خۆراکە خێراکان، خواردنەوە وزەبەخش و گازییەکان باوترین هۆکاری قەڵەوبوونن و دەشێت ساڵانە لە هەموو جیهاندا رێژەی قەڵەوی زیادببێت.
 
لە کۆتاییدا گوتی، بەبێ پزیشکی پسپۆڕ و کەسانی شارەزا رێژیمی خۆراکی پەیڕەو نەکرێت و بەبێ راوێژی پزیشکیش هیچ دەرمانێکی قەڵەوی بەکارنەیەت.
 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

ئاری ئاغۆک، بەرپرسی ژینگە و تەندروستی لە بەڕێوەبەرایەتیی گشتیی پەروەردەی هەولێر

بەرپرسێکی پەروەردەی هەولێر: کامپەینی ئەنتیتۆباکۆی رووداو گرنگە بۆ نەهێشتنی تووتن لە قوتابخانەکان

بەرپرسی ژینگە و تەندروستی لە بەڕێوەبەرایەتیی گشتیی پەروەردەی هەولێر رایدەگەیێنێت، کامپەینی ئەنتیتۆباکۆی رووداو زۆر گرنگە بۆ کەمکردنەوەی جگەرە و نێرگەلە لەنێو منداڵ و نەوجەوانان بەتایبەت لەنێو قوتابخانەکان.