رووداو - تەندروستی
توێژینەوەیەکی کۆلێژی ئەمریکی بۆ پزیشکانی منداڵبوون و خانمان دەریدەخات، 80%ی خانمانی دووگیان تا سێ مانگی سێیەم تووشی کەمی ئاسن دەبن.
توێژینەوەکە ئاماژە بەوەدەکات، مەرج نییە رێژەکە بەجۆرێک کەمببێتەوە کە ببێتە هۆی کەمخوێنی، بەڵام دەبێت خانمانی دووگیان پشکنینی پێشوەختە و زووزووە ئەنجامبدەن و بە شێوەی تەواوکاری خۆراکی مادەی ئاسن وەربگرن.
دکتۆر ئێڵین ماکارسی دەڵێت، ''لە کاتی دووگیانی بڕێکی زۆری مادەی ئاسن بۆ دابینکردنی پێداویستییەکانی کۆرپەلە و دایک هەڵدەمژرێت ئەمەش وادەکات ئاستی ئاسن لە دایکەکە کەمببێتەوە''.
بەگوێرەی کۆلێژی ئەمریکی بۆ پزیشکانی منداڵبوون و خانمان، کەمبوونەوەی ئاستی ئاسن ئەگەر کۆنتڕۆڵ نەکرێت، دەبێتە هۆی کەمخوێنی بەمەش ئەگەری تووشبوون بە خوێنبەربوونی دوای منداڵبوون، لەدایکبوونی پێشوەختە و کەمی کێشی کۆرپەلە زیاددەکات.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ