بەشێک لە کارمەندە گرێبەستەکانی تەندروستیی گەرمیان لەکاتی گردبوونەوەکە. وێنە: رووداو
رووداو - تەندروستی
کارمەندانی تەندروستیی گەرمیان کە گرێبەستن داوای دامەزراندن و بە هەمیشەیی بوونیان دەکەن، بەشێک لە کارمەندانی گرێبەست ماوەی 12 ساڵە خزمەتدەکەن و نەبوون بە فەرمانبەری هەمیشەیی.
ئەمڕۆ سێشەممە 26ـی تشرینی دووەمی 2024 لەبەردەم ئیدارەی گەرمیان 120 کارمەندی تەندروستیی گرێبەست گردبوونەوە، نوێنەرێکیان دەڵێت، کەمترین ماوەی خزمەتیان نۆ ساڵ و زۆرترینیش 13 ساڵە، بەڵام هێشتا دانەمەزراون.
کارمەندێکی گرێبەست کە بە گوتەی خۆی، 12 ساڵە خزمەتی هەیە، قسە بۆ رووداو دەکات و دەڵێت، لە سنووری ئیدارەکە 120 کارمەندی تەندروستیی گرێبەست لەسەر داهاتی پەرەپێدان هەن، پێیان گوتوون کە ئەوەی لەسەر پەرەپێدانە دامەزراندنی هەمیشەیی نایگرێتەوە.
خانمە کارمەندێکی گرێبەستیش دەڵێت: مۆڵەتی دایکایەتی بۆ کارمەندانی گرێبەست کەمە و داواش دەکەن کە زیادبکرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ