رووداو - تەندروستی
راگەیاندنی نەخۆشخانەی فێرکاریی رزگای لە هەولێر وێنەی قولاپێک بڵاودەکاتەوە کە لە گەرووی کچێکی نەوجەوان دەرهێندراوە، نەخۆشخانەکە ئاشکرای دەکات، ئەو کچە تەمەنی 15 ساڵە.
بەپێی نەخۆشخانەکە، لە رێگەی هەناوبینەوە قولاپەکەیان بۆ دەرهێناوە و ئێستا باری تەندروستیی کچەکە جێگیرە.
ئەمڕۆ سێشەممە 26-11-2024 د. دڵشاد محەممەد ئەلشێخ، پسپۆڕی پزیشکیی فریاکەوتن لە فریاکەوتنی نەخۆشخانەی فێرکاریی رزگاری بە رووداوی راگەیاند، زۆربەی رۆژەکان حاڵەتی لەو شێوەیە دێنە فریاکەوتنەکان کە بەشێکی زۆریان بە نائاگا تەنێکی نامۆیان قوتداوە.
د. دڵشاد محەممەد دەڵێت: هەرگیز شتە تیژەکان بە دەم نەگیرێن، یاخود یاری بە کەلوپەلی بچووک نەکرێت، چونکە بە نائاگایانە دەشێت کەسەکە قوتیان بدات و ببنەهۆی گیران و چەقین لە بۆری هەناسەی.
ئاماژە بەوەشدەکات، هەمیشە منداڵی خوار 5 ساڵان لە یارییە بچووکەکان دووربن یاخود لە ژێر چاودێریی کەسێکی گەورەدا بن، بۆ ئەوەی لە مەترسیی قوتدانیان بەدوور بن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ