رووداو - تەندروستی
ئەمڕۆ ئاماری سەرژمێری عێراق راگەیێندرا و لە ئاماری سەرژمێریی هەرێمی کوردستان دا دەرکەوتووە، تەنیا 4.3%ـی دانیشتووان تەمەنیان سەرووی 65 ساڵە و پسپۆڕێكی تەندروستیی گشتیش دەڵێت ئەمە دەرخەری ئەوەیە گەنجانی ئێمە ناگەنە تەمەنی بەساڵاچوون و بە گەنجی دەمرن.
بەپێی ئامارەکانی سەرژمێری عێراق و هەرێمی کوردستان، رێژەی 63.7%ـی دانیشتووانیش تەمەنیان لە نێوان 15 بۆ 64 ساڵە و رێژەی 4.3٪ـی دانیشتووان تەمەنیان سەرووی 65 ساڵە.
د. سەنگەر جاف، پسپۆڕی تەندروستیی گشتی دەڵێت ئامارەکانی هەرێمی کوردستان دەریدەخەن رێژەی گەنجان لە کوردستان زۆرە، بەڵام مەترسییەکە ئەوەیە کە رێژەی بەساڵاچووان کەمترە و پێشاندەری ئەوەیە کە خەڵکی کوردستان لە تەمەنێكی گەنج دەمرن.
دەشڵێت داتاکان دەرخەری ئەوەن، کە خراپی و نایەکسانی لە دابینکردنی خزمەتگوزارییە تەندروستییەکان بۆ هەموو کەسێک، هۆکارێكی مردنی گەنجان و خەڵکە لە تەمەنێكی گەنجیدا.
رۆژى 20ى تشرینى یەکەمى 2024 سەرژمێریى گشتیى دانیشتووان لە عێراق و هەرێمى کوردستان کرا، ئەمڕۆ ئەنجامى سەرژمێرییەکە بڵاوکرایەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ