چەند خانمێک لە نۆرەدان بۆ دەنگدان. وێنە: رووداو
رووداو - تەندروستی
ئەمڕۆ دەنگدانی گشتیی بۆ هەڵبژاردنی خولی شەشەمی پەرلەمانی کوردستان بەڕێوەدەچێت و بەردەوامە، لە بنکەیەکی دەنگدان، خانمێک گوتی، زۆر فاستم بەکارهێناوە و هەموو جارێک کێشەی نەخوێندنەوەی پەنجەمۆرم هەبووە و ناچار دەنگدانەکەم دوادەکەوێت.
خانمێک لەنێو بنکەیەکی دەنگدان لە هەولێر پێش ئەوەی بچێت دەنگبدات، لیمۆیەکی گرتووە بەدەستییەوە و دەستی پێدادەهێنێت، کە گوایە ''وادەکات پەنجەمۆرەکە بە باشی بخوێندرێتەوە''، هۆکاری ئەمەش ئەوەیە کە ئەو خانمە پێشووتر پەنجەمۆرەکەی نەخوێندراوەتەوە و کێشەی بۆ دروستبووە.
تەنانەت ئەوەش باسدەکات کە زۆر فاستی بەکارهێناوە، بەپێی پڕۆفیسۆر هاژە جەمال هیدایەت، پسپۆڕی بۆماوەزانی و جێپەنجەی DNA مادەی فاست یەکێکە لەو مادانەی کە پەنجەمۆر کاڵدەکاتەوە و خوێندنەوەی لەلایەن ئامێرەکانەوە لاوازدەکات.
پێش پڕۆسەی هەڵبژاردن تۆڕی میدیایی رووداو بە پشت بەستن بە زانیارییەکانی پسپۆڕێکی پێست و پسپۆڕێکی بۆماوەزانی کۆمەڵێک خاڵی بڵاوکردەوە کە هۆکارن بۆ لاوازیی خوێندنەوەی پەنجەمۆر، یەکێک لە هۆکارەکانیش زۆر بەکارهێنانی فاست و مادە پاککەرەوە کیمیاییەکانە.
کۆمسیۆن دەڵێت، لە دەنگدانی تایبەت دوو هەزار و 901 دەنگدەر پەنجەمۆریان نەخوێندراوەتەوە، کەواتە رەنگە ئەمانە هۆکارەکەی بێت؛
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ