توێژینەوەیەک: جیابوونەوەی هاوژینان ئەگەری تووشبوونی منداڵەکانیان بە ناڕێکیی دەروونی زیاددەکات

 

توێژینەوەیەکی زانکۆی هارڤارد لە ئەمریکا دەریدەخات، زۆرێک لە منداڵانی خوار 16 ساڵان ئەگەری تووشبوونیان بە خەمۆکی دوای جیابوونەوەی دایک و باوکیان زۆرە، ئەمەش وادەکات دەرووندروستییان خراپ بێت و بە درێژخایەنی کاریگەری لە تەواوی ژیانیان بکات.

 

 

- گوشاری دەروونی

- لاوازیی کەسێتی

- خەمۆکی و خەمباری

- هەستنەکردن بە بەرپرسیارێتی

- کەمبوونەوەی خۆشبەختی

- زیادبوونی دڵەڕاوکێ

- کەمبوونەوەی پەیوەندیی کۆمەڵایەتی

- تووشبوون بە نیشانەکانی تەنگەژەی دەروونیی دوای رووداوەکان

 

بەپێی ئەو ئامارانەی دەست رووداو کەوتووە، لە هەرێمی کوردستان ساڵانە ژمارەی جیابوونەوەی هاوژینان زیاددەکات بەجۆرێک، لە ساڵی 2017 پێنج هەزار و 729 حاڵەتی جیابوونەوە تۆمارکراون و ئەو ژمارەیە لە ساڵی 2023 بووەتە 14 هەزار و 312.

 

ئەمەش واتە لە ماوەی شەش ساڵدا رێژەکە سێ ئەوەندە زیادبووە.

 

هاوکات لە 8 مانگی یەکەمی ئەم ساڵدا زیاتر لە 48 هەزار هاوژین لە عێراق جیابوونەتەوە؛ ئەنجوومەنی باڵای دادوەریی عێراق رایگەیاند، مانگی رابردوو زیاتر لە 16 هەزار 600 گرێبەستی هاوسەرگیری کراون و زیاتر لە 5 هەزار و 400 جیابوونەوەش هەبووە. لە 8 مانگی رابردووشدا زیاتر لە 200 هەزار هاوسەرگیری و 48 هەزار جیابوونەوە تۆمار کراون.