رووداو - تەندروستی
پزیشکێکی بنیاتنانەوە و جوانکاریی ددان لەڕووی تەندروستییەوە باسی چەند سوودێکی سیواک دەکات و دەڵێت: دژەشێرپەنجەیە.
دکتۆر راستی عومەر، پزیشکی بنیاتنانەوە و جوانکاریی ددان ئاشكرای دەکات، ئەوانەی سیواک بەکاردەهێنن ئەگەری ساڕێژبوونەوەی برینەکانی نێو دەمیان زیاترە و زووتریش چارەسەردەبن.
دکتۆر راستی عومەر دەڵێت: ''هەندێک پێکهاتە لەنێو سیواک دا هەن کە دژی بەشێک لە هۆکارەکانی شێرپەنجەی دەمن'' کە ئەوەش وادەکات چالاکیی دژەشێرپەنجەیی هەبێت.
لە بەشێکی قسەکانیدا ئەوەشی گوت، سیواک ددان و پووک لە خۆراک، رەنگ و پلەک کەهۆکاری کلسە پاکدەکاتەوە و بۆنی خۆش بە دەم دەبەخشێت.
هاوکات ئەوەشی باسکرد کە سیواک یارمەتیی کەمکردنەوەی هەوکردنەکانی پووک و ددان دەدات و دژی کلۆربوونی ددانە.
لە کۆتاییدا پزیشکەکە هۆشداری دەدات، لە ئەگەری بوونی هەر کێشە و هەوکردنێک لە دەم و دداندا پێویستە پەنا ببرێتە بەر پزیشکی پسپۆڕ.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ