رووداو – تەندروستی
کچە نەوجەوانێکی ئەمریکی سێ ساڵ بە شاراوەیی لە دایک و باوکی، ڤەیپی کێشاوە و لەناکاو باری تەندروستیی تێکچووە، پزیشکان گوتوتانە، تووشی گیران و هەوکردنی تووندی بۆڕیچکەکانی سییەکانی بووە.
کچەکە ناوی بریان کوڵنە و تەمەنی 17 ساڵە، دایکی دەڵێت، لە 14 ساڵییەوە دەستی بە ڤەیپکێشان کردووە و دوای هاتنەوەی لە قوتابخانە دەچووە ژوورەکەی و نەدەهاتە دەرەوە، بەڵام هەستیان پێنەکردووە کە ڤەیپدەکێشێت.
کریستن مارت، دایکی ئەو کچەیە و دەڵێت: لەناکاو رۆژێک بریان هاتەوە ماڵەوە و گوتی، کە ناتوانێت هەناسەبدات هەر بۆیە بە پەلە بردوویانە بۆ نەخۆشخانە و دەرکەوت، تووشی هەوکردن و گیرانی تووندی بۆڕیچکەکانی سییەکانی بووە کە ناسراوە بە نەخۆشیی 'سیی پۆپکۆڕن'.
بەپێی دامەزراوەی سییەکان لە ئەمریکا، هۆکاری سەرەکیی تووشبوون بەو نەخۆشییە هەڵمژینی مادەی ئەسیتئەڵدیهاید و دایئەسیتایڵە کە لەنێو ڤەیپدا هەن، تەنانەت دەشێت کەسەکە تووشی شێرپەنجەی سییەکانیش بکات.
دایکی گوتی، ئێستا کچەکەی بەردەوام ئامێری هەناسەدانی دەستکرد بەکاردەهێنێت و سییەکانی پەکیان کەوتووە. و هۆشداریش دەداتە دایک و باوکان کە هەمیشە چاودێریی منداڵەکانیان بکەن.
دەتەوێت واز لە جگەرە، نێرگەلە و ڤەیپ بهێنیت؟ هەر ئێستا خۆت تۆمار بکە لە پڕۆژەی ئەنتیتۆباکۆ و مەهێڵە منداڵەکانت چاوت لێبکەن و دوور بکەوە لە تووتن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ