رووداو دیجیتاڵ
ئەمڕۆ لە نەخۆشخانەی منداڵان و ئافرەتان و منداڵبوون لە ئاکرێ بە نەشتەرگەری کیسێکی گەورە لە سکی کچێک دەرهێنرا. بەڕێوەبەرایەتیی تەندروستیی ئاکرێ لەبارەیەوە دەڵێت "نەشتەرگەرییەکی زۆر دەگمەن و گەورە بوو".
بەڕێوەبەرایەتیی تەندروستی ئاکرێ لە راگەیێندراوێکدا کە ئەمڕۆ چوارشەممە، 19-4-2023، بڵاویکردەوە، رایگەیاند "نەشتەرگەرییەکی زۆر گەورە و دەگمەن بۆ کچێکی تەمەن 21 ساڵ ئەنجامدرا کە جۆری نەشتەرگەرییەکە لادانی کیسێکی زۆر گەورە بوو بە قورسایی 6.410 کیلۆگرام".
نەشتەرگەرییەکە بێ بەرامبەر بۆ کچە تەمەن 21 ساڵییەکە کراوە و کیسەکە لەسەر هێلکەدانی لادراوە.
وەک لە راگەیێندراوەکەدا هاتووە، سێ پزیشک و ستافێک بەشدارییان لە ئەنجامدانی نەشتەرگەرییەکەدا کردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ