رووداو - تەندروستی
پسپۆڕێکی نەخۆشییەکانی هەناو و شەکرە لە پۆدکاستی ئەمڕۆی نەخۆشنامە رایگەیاند، باشترین وەرزش بۆ قەبزی، بەپێ رۆیشتنە. ئاماژە بەوەشدەکات قەبزبوون کێشەی باوی تووشبووانی رژێنی دەرەقییە.
د. هونەر رێبوار، پێشكێشکاری پۆدکاستی نەخۆشنامەیە کە هەموو رۆژانی رەمەزان پێشکێشدەکرێت و ئەمجارە د. سۆران زەنگەنە، پسپۆڕی هەناو میوانیەتی، لەبارەی رێکخستنی ئەو دەرمانانەی بۆ رژێنی دەرەقی بەکاردەهێنن دەڵێت: بۆ سستیی رژێنی دەرەقی، لانیکەم نابێت نەخۆشەکە سێ بۆ چوار کاژێر هیچی خواردبێت و گەدەی بەتاڵ بێت، تەنانەت دوای خواردنیشی، نابێت تاوەکو کاژێرێک هیچ بخۆیت.
د. سۆران زەنگەنە دەڵێت: باشترە تووشبووانی سستیی رژێنی دەرەقی، پارشێو دەرمانەکانیان بخۆن، هەروەها لەبارەی قەبزییەوە گوتی، قەبزبوون کێشەیەکی بڵاوە لەنێو تووشبووانی نەخۆشیی رژێنی دەرەقی و بۆ کەمبوونەوەی لە قەبزی، ئاوی زۆر بخورێتەوە یان زەڵاتە لەگەڵ ژەمەکاندا بخورێت.
باسی ئەوەشدەکات کە رێکردنی خێرا باشترین وەرزشە بۆ رێگری لە قەبزی.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ