رووداو - تەندروستی
جێگری بەڕێوەبەری گشتیی تەندروستیی کۆیە رایدەگەیێنێت، بنکەکانی دەوروبەری کۆیە داخراون و خەڵکانی ئەو ناوچانەش دێنە ناوەندی کۆیە.
ئەمڕۆ چوارشەممە 19-2-2025 دکتۆر شێروان جەلال، جێگری بەڕێوەبەری گشتیی تەندروستیی کۆیە بە رووداوی راگەیاند، لە 2013ـەوە هیچ کارمەندێک بۆ تەندروستیی کۆیە دانەمەزراوە و ناتواندرێت خۆبەخشانیش بێنەوە دەوام، چونکە فەرمی نین.
دکتۆر شێروان جەلال دەڵێت: بەهۆی خانەنشینبوونی کارمەندانی تەندروستی لە کۆیە، 8 بنکەی تەندروستی داخراون و زۆرینەیان ئەوانەن کە خزمەتیان بە گوندەکان دەکرد.
دکتۆر شێروان داوای دامەزراندنی بەپەلە دەکات لە کۆیە تاوەکو بنکە داخراوەکان بکرێنەوە و خزمەت بە خەڵکانی گوندەکان بکەن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ