رووداو - تەندروستی
دامەزراوەی نێودەوڵەتیی خەو ئاشکرای دەکات، قسەکردن لە خەودا ئاماژەیە بۆ دڵەڕاوکێ و گوشاری دەروونی.
بەگوێرەی دامەزراوەکە، نزیکەی دوو لەسەر سێی خەڵکی لەخەودا قسەدەکەن، لەوانەیە لە مڕەمڕەوە دەستپێبکات تاوەکو گوتنی رستەی تەواو کە هەندێکجار پێکەنیناوییە.
دەیڤد دێنگس، پسپۆڕی خەو لە ئەمریکا دەڵێت: ئەمە جێی نیگەرانی نییە و زۆرجار لە قۆناخی سەرەتای خەوتندا روودەدات.
پسپۆڕەکە ئاماژە بەوەدەکات، رەنگە قسەکردن لەکاتی خەو بۆ ژینگەی نەگونجاوی ژووری خەوتن بێت وەکو رووناکی و پلەی گەرمیی زۆری ژوورەکە.
لە کۆتاییدا ئەمانە دەشێت هۆکاری قسەکردن لە خەودا بن؛
- دڵەڕاوکێ
- گوشاری دەروونی بە درێژایی رۆژەکە
- تووشبوون بە تەنگەژەی دەروونیی دوای رووداوەکان PTSD
- ناڕێکیی شوێنی خەوتن {ژووری رووناک و پلەی گەرمیی بەرز}
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ