دوو پزیشک چوار منداڵەکەیان داناوە.
رووداو - تەندروستی
لە دهۆک خانمێک بە سکێک چوار منداڵی بوو، منداڵەکانیش سێ کچ و کوڕێکن.
ئەمڕۆ یەکشەممە 18ـی ئابی 2024 د. ئیمان سدیق، پسپۆڕی نەخۆشییەکانی خانمان و منداڵبوون و سەرپەرشتیاری خانمەکە بە رووداوی راگەیاند، هەرچەندە منداڵەکان بەناکامی لەدایکبوون، بەڵام نەشتەرگەریی لەدایکبوونیان سەرکەوتوو بووە و دۆخی خۆیان و دایکیشیان باشە.
د. ئیمان سدیق دەڵێت: خانمەکە دوو منداڵی بە نەشتەرگەری بووە و ئێستاش ئەم چوار منداڵەی بە نەشتەرگەری بوو کە سێ کچ و کوڕێکن.
لە بەشێکی قسەکانیدا ئەو پسپۆڕەی خانمان گوتی، ئێستا منداڵەکان لەنێو ژوورە شووشەییەکان لەژێر چاودێریدان و حاڵەتی لەم شێوەیەش دەکرێت بە دەگمەن دابنرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ