ئەڤین ئەحمەد، چارەسەرکاری دەروونی لەگەڵ دکتۆر لونا خالید لەنێو چایخانەی شەعب دانیشتوون تاوڵە دەکەن.
رووداو - تەندروستی
چارەسەرکارێکی دەروونی رایدەگەیێنێت، یارییە هزرییەکان و بەتایبەتیش تاوڵە لەسەرخۆیی و دانبەخۆدارگرتن فێری یاریزانان دەکەن و سوودی دەروونییان هەیە، هەر بۆیە دەڵێت، ''ببەیتەوە و بدۆڕێنیت، هەر براوەیت''.
لە بڕگەیەکی مەیدانیدا کە دکتۆر لونا خالید پێشکێشکی کرد، ئەڤین ئەحمەد، چارەسەرکاری دەروونی گوتی، یارییە هزرییەکان رێگەیەکن بۆ باشترکردنی پەیوەندیی کۆمەڵایەتی و توانای سەرنجدان باشتر دەکەن.
ئەڤین ئەحمەد دەڵێت: جێبەجێکردنی یاساکانی ئەم یارییانە یارمەتیدەرە لە جێبەجێکردنی یاساکانی ژیان.
لەبارەی ئەنجامدانی یارییە هزرییەکان بەشێوەی ئۆنلاین، ئەڤین ئەحمەد گوتیشی، یارییە هزرییەکان رووبەڕوو بکرێن نەک بە ئۆنلاین، چونکە دەشێت بە ئۆنلاین ببێتەهۆی گۆشەگیری و کەمکردنەوەی سوودەکانی یارییەکان.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ